स्याङ्गजाको होराईजन आर्दश कपको फाईनलमा

लेखनाथ,- वालिङ्गको होराईजन क्लव २६ औ आदर्श कप फुटबल प्रतियोगिताको फाईनल प्रवेश गरेको छ । लेखनाथस्थित भण्डारढीक खेलमैदानमा भएको दोस्रो सेमिफाईनलमा म्याग्दी फुटबल संघ म्याग्दीलार्ई पराजित गर्दै होराईजन फाईनल पक्का गरेको हो ।

लेखनाथको भण्डारढिक रङ्गशालामा बुधवार मौसमको प्रतिकुलमा भएको प्रतिस्पर्धामा ७३ औ मिनेटमा टिकाराज गुरुङले गोल गर्दै जित दिलाए । उनको गोल निर्णायक बन्यो । होराईजन फाईनल प्रवेश गर्यो । म्याग्दी निराश हुदैं मैदानबाट विदा लियो र।

उपाधिको लागि नेपाल प्रहरी गण्डकी प्रदेशको टोलीसँग होराईजनले खेल्ने छ । यसैविच बुधबार भएको खेलमा होराईजन क्लवका टिकाराज गुरुङले ‘म्यान अफ द म्याच’ उपादी सहित नगद पाँच हजार रुपैयाँ पुरस्कार प्राप्त गर्न सफल भएका छन् ।

प्रतियोगिताको विजेता समुहले नगद रु. ४ लाख ९९ हजार ९ सय ९९ सहित शिल्ड, मेडल र प्रमाणपत्र प्राप्त गर्नेछन् भने उपविजेता टोलीले नगद रु. ३ लाख ३३ हजार ३ सय ३३ सहित शिल्ड, मेडल र प्रमाणपत्र प्राप्त गर्नेछन्

व्यक्तिगत विधागत पुरस्कार तर्फ उत्कृष्ट खेलाडीलाई रु. २५ हजार नगद सहित ट्रफी र प्रमाणपत्र प्रदान गरिनेछ भने अन्य विधागत उत्कृष्ट खेलाडी तथा प्रशिक्षकलाई रु. १५ हजार नगद सहित सम्मान गरिने आर्दश युवा क्लवका अध्यक्ष पदम गुरुङले जानकारी दिएका छन् ।