कोलकोत्ता नाईट राईडर्सले बनायो १६४ रन

रन जोडेपछि व्याट चियर्स गर्दै किंग्स

एजेन्सी-ओपनर सुभम गिलले अर्धशतक हिर्काएपछि धर्मराएको कोलकोत्ता नाईट राइर्डसको इनिंग सम्हाल्दै किंग्स इलेभन पन्जाबलाई १६५ रनको चुनौति दिएको छ ।

अबुधावीस्थित जियाद क्रिकेट स्टेडियममा भारतीय फ्रेन्चाईज लिग आईपिएलको २४ औं खेलमा राहुल त्रिपाठी(४) र नीतिश राना(२) आउट भएपछि ओपनरको रुपमा रहेका सुभमले धैर्यताका साथ व्याटिंग गर्दै ५७ रनको पारी खेले ।

४७ बल खेल्दै ५७ रन बनाउँदा कोलकोत्ताले सम्मानजनक स्कोर बनाउने लक्ष्य तर्फ उन्मुख थियो । इयोन मोर्गानलाई समेत २४ रनमै गुमाएको कोलकोत्तालाई सम्हाल्ने जिम्मेवारी दिनेश कार्तिकको काँधमा आईपर्यो ।

कार्तिकले ५८ रन जोडे । २९ बल खेल्दै ८ चौका र २ छक्का हिर्काए । सुभम आउट भएपछि क्रिज छिरेका आन्द्रे रसेल पनि धेरैबेर क्रिजमा टिकेनन् । उनलाई ५ रनमा खेलिरहदाँ अर्षदिप सिंहले सिम्रन सिंहको हातबाट क्याच गराए ।

कार्तिक पनि ५८ रन जोड्दै अर्को रन लिने क्रममा रनआउटको शिकार भए । किंग्सका मुजिम उर रेहमानले ४ ओभरमा ४४ रन खर्चिए । विकेट भने उनको नाममा आएन् । कोलकोत्ता ६ विकेटको क्षतिमा १६४ बनाएको थियो ।