५ हजार रनको कोशेढुंगा पार गर्न १० रनले चुके वार्नर

जोनी बेरिष्टोसँग रन लिदैं डेविड वार्नर ।

दुबई-५ हजार रन पुरा गर्न केवल १९ रनमात्रै थियो । तर डेविड वार्नर ९ रनमै पभेलियन फर्किएपछि अर्को खेलको प्रतिक्षा गर्नुपर्ने छ । सनराईज हैदरावादका कप्तान अष्ट्रेलियन व्याट्सम्यान डेविड वार्नरले आईपिएलको करियरमा ५ हजार रन पुरा गर्नबाट १० रनले चुकेका छन् ।

ओपन व्याट्सम्यानको रुपमा रहेको वार्नरले ५ हजार रन पुरा गर्न अर्को खेल कुर्नुपर्ने छ । उनी साम कुरुनको बलमा क्याच आउट हुदैं कोशेढुंगा पार गर्नबाट चुक्न पुगे । उनको आईपिएलको १३५ औं खेलमा ५ हजार रन पुरा हुने सम्भावना छ । मंगलबार दुबईको दुबई इन्टरनेशनल स्टेडियममा आईपिएलको २९ औं खेल थियो ।

सन २००९ बाट आईपिएलमा डेब्यु गरेका वार्नरले चेन्नई सुपरकिंग्स विरुद्ध केवल ९ रन मात्रै बनाए । ५ हजार रन पुरा गर्न उनलाई १९ रन बनाउनुपर्ने खाँचो थियो ।

आफनो करियरको ५ हजार रन पुरा सपना वार्नरको लागि अर्को खेलसम्म प्रतिक्षा गर्नुपर्ने छ । यसअघि भारतीय खेलाडी मुम्बई इण्डियन्सका कप्तान रोहित शर्माले पुरा गरेका थिए ।

आईपिएलको यो सिजनमा उनले २७८ रन बनाईसकेका छन् । डेब्युमा उनको उपस्थिति प्रभावकारी रहेन् । उनले केवल डेब्युमा ७ खेल खेल्दै १६३ रन बनाएका थिए । उनको आईपिएलको सिजनमा सबैभन्दा बढी रन सन २०१६ मा हिर्काएका थिए ।

उनले त्यसवर्षको सिजनमा ८४८ रन बनाएका थिए । सन २०१७ मा उनले आईपिएलमा सर्वाधिक रन हिर्काउने क्रममा १२६ रन बनाएका थिए । आईपिएलमा उनले चारवटा शतक हिर्काएका छन् ।