हेडिङ गर्ने प्रयास गर्दै युभेन्ट्सका खेलाडी ।
एजेन्सी-अल्भारो मोराटाको महत्वपूर्ण दुई गोलमा इटालियन क्लब युभेन्ट्सले च्याम्पियन्स लिगमा विजयी शुरुवात गर्ने क्रममा डाइनामो किभलाई २-० गोलले पराजित गरेको छ । मोराटाले दुवै गोल दोस्रो हाफमा गरेका थिए ।
खेलको ४६ औ मिनेटमा पहिलो गोल गरेका मोराटाले दोस्रो गोल ८४ औं मिनेटमा गर्दै जित सुनिश्चित बनाएका थिए । कोरोना संक्रमणबाट आईसोलेसनमा बसेको क्रिष्टियानो रोनाल्डोको अनुपस्थितिमा युभेन्ट्सका लागि मोराटाले प्रभावशाली खेल प्रदर्शन गरे ।
यसैगरी अर्को खेलमा इटालियन क्लब लाजियोले स्पेनिस क्लब बोरुसिया डर्टमण्डलाई ३-१ गोलले पराजित गरेको छ । गएराती भएको च्याम्पियन्स लिगको समूहगत पहिलो चरणको खेलमा लाजियोले सिरो इम्मोवाइलको छैटौ मिनेटमा गोलसँगै अग्रता लिएको थियो ।
दोस्रो गोल उपहार प्राप्त हुन पुग्यो । लाजियोलाई उपहार गोल भने मार्विन हेट्जले २३ औं मिनेटमा दिए । आत्मघाती गोलसँगै लाजियोले अग्रता दोब्बर बनाउन पुग्यो । ७६ औं मिनेटमा जिन डानियल अक्पा अक्प्रोले गोल गरेका थिए । डर्टमण्डका लागि अर्लिङले ७१ औं मिनेटमा गोल फर्काएपनि बराबरीको अवसरबाट धेरै टाढा रह्यो ।
पोखरा-सहारा क्लब पोखराले २६ औं संस्करणको आहा रारा पोखरा गोल्डकपको तयारीमा जुटेको छ । क्लबले आगामी माघ ५ गतेदेखि १६ गतेसम्म गोल्डकप आयोजना गर्ने सार्वजनिक गरेको छ । हिमश्री फुड्स प्रालिको उत्पादन रारा तयारी चाउचाउको मुख्य प्रायोजन रहने…
कास्की-चार मैत्रीपूर्ण टी—२० खेल्न पोखरा आईपुगेको भुटानी राष्ट्रिय क्रिकेट टोली मंगलबार पहिलो खेलमा गण्डकी प्रदेशको टोलीसँग ८ विकेटले पराजित भएको छ । पोखरा भ्रमणमा रहेको भुटानी राष्ट्रिय क्रिकेट टोली मंगलबार पोखरा रंगशाला क्रिकेट मैदानमा टस हारेर १९.३ ओभरमा…