दिल्लीमाथि मुम्बईको सानदार जित

मुम्बईका इशान किसन व्याटिंग गर्दै ।

दुबाई(एजेन्सी)-दिल्ली क्यापिटल्सलाई आईपिएलको अर्को खेलको नजिताले प्ले अफको सम्भावना देखिएको छ । त्यसपनि अझ स्पष्ट रन रेटमा भर पर्ने देखिएको छ । मुम्बई इण्यिन्ससँग शनिबार साँझ पराजित भएसँगै दिल्लीको प्ले अफको सम्भावना अर्काको खेलको नजितामा भर पर्नुपर्ने अवस्था सृजना भएको छ ।

१११ रनको लक्ष्य पछ्याएको मुम्बईले ओपनर ईशान किसनको अर्धशतकीय पारीको महत्वपूर्ण इनिङमा मुम्बईले १ विकेटको क्षतिमा लक्ष्य पुरा गर्यो । ओपनर क्विन डिककलाई २६ रनमा गुमाएको मुम्बईको इनिङ ्सलाई किसनले सम्हाल्दै जितसम्म डोहोर्याए ।

उनले अविजित ७२ रन हिर्काउने क्रममा ४७ बल खेल्दै ८ चौका र ३ छक्का हिर्काए । सुर्य कुमार यादवले किसानलाई साथ दिदैं १२ रनको योगदान गरे । एनरिच नार्ट्जेको बलमा छक्का हान्दै किसानले लक्ष्य पुरा गरेका हुन् । मुम्बईले १४.२ ओभरमा लक्ष्य पुरा गरेको थियो ।

टस हारेर व्याटिंगमा उत्रिएको दिल्लीका भरपर्दा व्याट्सम्यान शिखर धवन मुम्बईसितको खेलमा चल्नै सकेनन् । उनी शून्यमै पभेलियन फर्किएपछि धरासायी बनेको दिल्ली क्यापिटल्सको व्याट्सम्यानलाई सस्तैमा आउट गर्न जसप्रित बुमराहले महत्वपूर्ण भूमिका खेले ।

टोरेन्ट बोल्टले धवन र पृथ्वी साको विकेट लिएपछि धरासायी बनेको दिल्लीलाई अझै धरापममा भने बुमराहल गरिदिए । रिषभ पन्त, मार्कस स्टोनी र हर्सल पटेलको विकेट लिएपछि मध्यक्रममा व्याट्सम्यानलाई ध्वस्तै बनाएका थिए ।

ओपनर सा केवल १० रनमा आउट हुदाँ शिखरको व्याट शनिबार आईपिएलको ५१ औं खेलमा मुम्बईसँग चल्दै चलेन् । कप्तान श्रेयस ऐयर पनि २५ रनमा राहुल चाहरले आउट गरेपछि दिल्लीले कमजोर शुरुवाती गरेको थियो ।

रिषभ पन्त २१ रन जोड्ने क्रममा बुमराहले आउट गरेपछि दिल्लीको खराब व्याटिंग दोहोरिरह्यो । अन्तिम अर्डरका रुपमा रहेका रविचन्द्र अश्विनले १२ रन बनाए । उनलाई बोल्टले कुर्नाल पाण्डेको हातबाट क्याच आउट गरेपछि दिल्लीले ९ विकेटको क्षतिमा ११० मा समेटिएको थियो ।