पोखरा(खेलाडी न्युज)- दुरदेखि आएको बंगलादेशलाई पोखराको मैदानमा सुदुरपश्चिम ११ स्पोर्टिङ क्लबले स्वागत गर्दै छ । सहारा क्लबको १६ औं सस्करणको गोल्डकपको निम्तोलाई स्वीकार्दै पोखरा रंगशालाको मैदानमा आईपुगेको उत्तर बरिन्धरा फुटबल क्लब बंगलादेशी टोलीसँग सुदुर पश्चिमले पहिलो क्र्वाटरफाईनल खेल्ने छ ।
गोल्डकपमा न्यानो आतिथ्यतासँगै स्तरीय फुटबल खेल्ने विश्वास आम दर्शकले लिएका छन् । सुदुर पश्चिमले पनि घरेलु टोली सहारा क्लबलाई ३—० गोलले पराजित गर्दै क्र्वाटरफाईनल तय गरेको थियो । जितले उत्साहित बनेको सुदुरपश्चिमले आज बंगलादेशी टोलीसँग कस्तो फुटबल खेल्छ भन्ने हेर्न बाँकी छ । यद्यपी बंगलादेशी टोलीको खेलाडी पनि कतिस्तरीय छन् भन्ने आजको खेलले निर्धारण गर्ने छ । यद्यपी गोल्डकपमा आएको विदेशी टोली खासै स्तरीय भने देखिएका छैनन् ।
बंगलादेशी टोलीमा ए डिभिजन र केही राष्ट्रिय खेलाडी समावेश गरेर टोली आउने आयोजकले सार्वजनिक समारोहमा दिएको अभिव्यक्ति कत्तिको साकार हुन्छ त्यो हेर्न बाँकी छ । अर्को पाहुना टोली सिक्किम युनाईटेड क्लब भने गोल्डकपबाट बिदाई लिई सकेको छ । सुदुर पश्चिम आहा राराको १३ औं सस्करणमा सेमिफाईनलसम्म पुगेको थियो । मनाङ मस्र्याङ्दीक्लबसँग २—० गोल अन्तरमा पराजित हुदैं बाहिरिएको टोलीले नयाँ पुरानो छविलाई कायमै राख्नको लागि खेल्ने छ । – तस्वीर फाईल
पोखरा-सहारा क्लब पोखराले २६ औं संस्करणको आहा रारा पोखरा गोल्डकपको तयारीमा जुटेको छ । क्लबले आगामी माघ ५ गतेदेखि १६ गतेसम्म गोल्डकप आयोजना गर्ने सार्वजनिक गरेको छ । हिमश्री फुड्स प्रालिको उत्पादन रारा तयारी चाउचाउको मुख्य प्रायोजन रहने…
कास्की-चार मैत्रीपूर्ण टी—२० खेल्न पोखरा आईपुगेको भुटानी राष्ट्रिय क्रिकेट टोली मंगलबार पहिलो खेलमा गण्डकी प्रदेशको टोलीसँग ८ विकेटले पराजित भएको छ । पोखरा भ्रमणमा रहेको भुटानी राष्ट्रिय क्रिकेट टोली मंगलबार पोखरा रंगशाला क्रिकेट मैदानमा टस हारेर १९.३ ओभरमा…