पोखरा म्याराथनको ऐतिहासिक झल्को । तस्बिर फाईल ।
पोखरा-सिटी म्याराथनको अवधारणा अघि सारेर आयोजना गर्दै आएको पोखरा म्याराथनको १५ औं सस्करण भोलि शनिबार पोखरामा हुदै छ । शनिबार पोखरा रंगशालादेखि शुरु हुने पोखरा म्याराथनमा डेढसय धावकले उपाधिको लागि प्रतिस्पर्धा गर्ने छन् ।
पुरुष म्याराथनसँगै पहिलो पटक महिला हाफ म्याराथन समावेश गरिएको छ । हाफ म्याराथनमा १९ सहभागि रहने आयोजित पत्रकार सम्मेलनमा जानकारी दिईयो । म्याराथनमा ४ देशका १५६ जना धावकहरु दौडिने मञ्चका अध्यक्ष तेजबहादुर गुरुङले बताए । उनका अनुसार नेपाल, जापान, वेलायत र उरुग्वेका खेलाडीहरु प्रतियोगितामा दौडिनेछन् ।
महिलातर्फ २१ किलोमिटरको हाफ म्याराथनमा ६ जिल्ला र विभागीय टोलीका धावकहरुले प्रतिस्पर्धामा उत्रिने छन् । म्याराथनमा प्रथम हुनेले नगद २ लाख, दोश्रोले १ लाख, तेश्रोले ७५ हजार रुपैयाँ पुरस्कार पाउनेछन् ।
त्यस्तै चौथो हुनेले सान्त्वना रुवस्प नगद २५ हजार रुपैयाँ प्राप्त गर्ने आयोजकले जनाएको छ । महिला हाफ म्याराथन प्रतियोगितामा प्रथम हुनेले १ लाख, द्वितीयले ७५ हजार, तृतीयले ५० हजार, सान्त्वनाले १५ हजार रुपैयाँ प्राप्त गर्ने मञ्चका संस्थापक अध्यक्ष खड्कबहादुर रानाभाटले जानकारी दिए ।
पोखरा-कास्की जिल्ला फुटबल संघले फिफा फुटबल फर दि स्कुल कार्यक्रम अन्तर्गत शनिबार दोस्रो चरणमा १७ विद्यालयलाई बल हस्तान्तरण गरेको छ । कास्की जिल्ला फुटबल संघको परिसरमा विभिन्न सरकारी १७ विद्यालयलाई तीन तीन वटा बल हस्तान्तरण गरिएको थियो ।…
पोखरा-पोखरा महानगरपालिकासँगको सहकार्यमा गण्डकी प्रादेशिक क्रिकेट संघ गण्डकीले आगामी बैंशाखमा महानगर कप क्रिकेट प्रतियोगिता गर्ने तयारी गरेको छ । प्रधानमन्त्री एकदिवसीय क्रिकेट प्रतियोगिताको लागि गण्डकी प्रदेश टिम जर्सी अनावरण गर्दै महानग प्रमुख धनराज आचार्यले आगामी बैशाखमा महानगर कप…