रसियन एथलेटिक खेलाडीहरुको आजीवन प्रतिबन्ध फुकुवा

एजेन्सी—चार वर्षअघि डोपिङ टेष्टमा असफल भएका ३९ जना रसियाका खेलाडीमाथि लगाईएको आजीवन प्रतिबन्ध हटाएको छ । सन २०१४ को शीतकालिन ओलम्पिकमा एथलेटिकका खेलाडी माथि डोपिङ परीक्षणको क्रममा असफल भएपछि विश्व खेल अदालतले ती खेलाडीमाथि आजीवन प्रतिबन्ध लगाउने निर्णय गरेको थियो ।

समाचार एजेन्सी सिन्हुआको अनुसार २८ जना खेलाडीको प्रतिबन्ध फुकुवा गरिएको हो । लुसानस्थित न्यायलयले (सिएएस) हिजो बिहीबार २८ खेलाडीलाई आजीवन प्रतिबन्ध फुकुवा गरिदिएको जनाएको छ । अदालतले खेलाडीहरुको बारेमा संकलन गरिएको सबुतप्रमाण पर्याप्त नभएको भन्दै खेलाडीहरुको अपिललाई समेत सम्बोधन गर्दै फुकुवा गरेको हो । उनीहरुमाथि अन्तराष्ट्रिय ओलम्पिक कमिटि(आईओसी)ले आरोप लगाउँदै प्रतिबन्ध लगाएको हो । बाँकी ११ जना खेलाडीको पनि प्रतिबन्ध फुकुवा गरिएको छ तर उनीहरुलाई भने दक्षिण कोरियाको पियोङचाङमा हुने शीतकालिन खेलकुदमा समेत सहभागिता पाउने छैनन् । ९ फेब्रुअरीदेखि २५ फेब्रुअरीसम्म गेम हुने छ ।