एजेन्सी-दोस्रो हाफमा उत्कृष्ट पुनरामन गर्दै एट्लेटिको मड्रिडले सिजनको स्पेनिस ला लिगाको उपाधि उचालेको छ । अन्तिम तथा निर्णायक खेलमा लुईस स्वारेजको गोलमा एट्लेटिको मड्रिडले रियल मड्रिडलाई दुई अंकले पछि पार्दै उपाधि आफनो पोल्टामा पारेको थियो । एक समय एट्लेटिको मड्रिडले पछि परेको अवस्थामा उपाधि रियलको नाममा लेखिने सम्भावना देखिएको थियो । यद्यपी दोस्रो हाफमा पुनरागमन गरेको एट्लेटिकोले उपाधि जित्दै ११ पटक ला लिगा आफनो नाममा लेखायो ।
यस अघि एट्लेटिकोले २०१३-१४ मा मात्रै ला लिगाको उपाधि जितेको थियो । ७ वर्षपछि उपाधि उचाल्ने क्रममा एट्लेटिकोले रियल भालाडोलिडलाई २-१ गोलले पराजित गरेको थियो । हारसँगै रियल भालाडोलिड रेलिगेशनमा परेको छ ।
१८ औं मिनेटमा ओस्कार प्लानोको गोलबाट रियल भालाडोलिडले अग्रता लिएको थियो । अग्रतालाई पहिलो हाफसम्म जोगाउन भालाडोलिड सफल रह्यो । तर ५७ औं मिनेटमा एट्लेटिको मड्रिड खेलमा फर्कियो । उपाधि उचाल्ने योजना र रणनीति बुनेको एट्लेटिकोलागि एन्जेल कोरेयाले गोल गर्दै बराबरीमा ल्याए । त्यसको १० मिनेटपछि सेन्टर लाईनमा रहेका स्वारेजले डिफेन्डर विट भईसकेको अवस्थामा वान भर्सेज वानको अवस्थामा गोल गर्दै उपाधि पक्का बनाए । उनले ६७ औं मिनेटमा गरेको गोलले उपाधि उचाल्न पर्याप्त बन्यो ।
पोखरा-सहारा क्लब पोखराले २६ औं संस्करणको आहा रारा पोखरा गोल्डकपको तयारीमा जुटेको छ । क्लबले आगामी माघ ५ गतेदेखि १६ गतेसम्म गोल्डकप आयोजना गर्ने सार्वजनिक गरेको छ । हिमश्री फुड्स प्रालिको उत्पादन रारा तयारी चाउचाउको मुख्य प्रायोजन रहने…
कास्की-चार मैत्रीपूर्ण टी—२० खेल्न पोखरा आईपुगेको भुटानी राष्ट्रिय क्रिकेट टोली मंगलबार पहिलो खेलमा गण्डकी प्रदेशको टोलीसँग ८ विकेटले पराजित भएको छ । पोखरा भ्रमणमा रहेको भुटानी राष्ट्रिय क्रिकेट टोली मंगलबार पोखरा रंगशाला क्रिकेट मैदानमा टस हारेर १९.३ ओभरमा…