पलेशा कास्य पदकबाट चुकिन्

काठमाडौं । टोकियो पारालम्पिक–२०२० अन्तर्गत तेक्वान्दो तर्फको प्रतिस्पर्धामा नेपालकी पलेशा गोवद्र्धन पदकबाट चुकेकी छिन् ।

रेपेचेजतर्फको फाइनल खेलमा पलेशा चीनकी युजी लीसँग १२–९ ले पराजित भएपछि पदक जित्न चुकेकी हुन् । मात्र तीन स्कोरले पछि परेकी पलेशला ओलम्पिकमा ऐतिहासिक पदक जित्ने लक्ष्यमा अधुरै रह्यो । उक्त खेलमा सुखद नतिजा निकालेको भए पलेशाले कास्य पदक हात पार्ने थिइन ।

कास्य पदक भिडन्तमा चीनकी लीसँग पलेशा पहिलो राउन्डमा ४–२ को अग्रता लिएकी थिइन् । दोस्रो राउन्डमा लीले ५–० को जित निकाल्दा समग्रमा लीले ७–४ अग्रता सुम्पिएकी थिइन ।

तेस्रो चरणचको खेलमा ९–९ को बराबरीमा पुगेपनि समग्रमा समय सिमा भित्र १२–९ को नतिजा निक्लिएपछि नेपालकी पलेशाको पदक यात्रा समाप्त भएको थियो ।

त्यसअघि महिला के ४४ विधाको ५८ केजी तौल समूहमा प्रतिस्पर्धा गरेकी पलेशा प्रतियोगिताको पहिलो खेलमा बेलायतकी बेथ मुनरोसँग १८–८ ले पराजित भएकी थिइन ।

रेपेचेजतर्फ पलेशाले क्वाटरफाइनलमा अमेरिकी खेलाडीलाई ब्रायना सालिनारोलाई १०–० ले पराजित गरेपछि सेमिफाइनलमा प्रवेश गरेकी थिइन । सेमिफाइनलमा सर्बियाकी मिसेभलाई २३–१५ ले हराउँदै पदक भिडन्तमा स्थान पक्का गरेकी थिइन ।

पारालम्पिक स्पर्धामा नेपालका कुनैपनि खेलाडीले कास्य पदक सम्मको भिडन्तमा पुगेका छैनन् । जित हासिल गरेको भए यो ऐतिहासिक हुने थियो ।

ओलम्पिकमा सहभागिता जनाउनका लागि ६ सदस्यीय टोली भदौ ४ गते जापान पुगेको थियो ।