काठमाडाैं । इंग्लिस प्रिमियर लिग फुटबलमा क्रिस्टल प्यालेसले टोटेनहमलाई ३-० गोल अन्तरले पराजित गरेको छ ।
क्रिस्टलको जितमा ओडसन एडुवार्डले दुई गोल गर्दा विल्फ्रिड जाहाले एक गोल गरे । पहिलो हाफ गोलरहित बराबरीमा सकिएको खेलको ५८ औं मिनेटमा टोटेनहम १० खेलाडीमा समेटिएपछि क्रिस्टल हावी भएकाे थियाे ।
उसका टाङगंगा दोहोरो पहेलो कार्डसहित रातो कार्ड पाएर मैदानबाट बाहिरिएका थिए । जसको फाईदा क्रिस्टलले बनायो । खेलको ७६ औं मिनेटमा जाहाले पेनाल्टीमा गोल गर्दै घरेलु टोलीलाई १-० को अग्रता दिलाए ।
खेलको ८४ औं मिनेटमा जाहाको पासमा एडुवार्डले गोल गर्दै क्रिस्टललाई २-० को अग्रता दिलाए । त्यसपछि खेलको इन्जुरी समयमा एडुवार्डले व्यक्तिगत दोस्रो गोल गर्दै क्रिस्टललाई ३-० को जित दिलाए ।
यससँगै शीर्ष स्थानको टोटेनहमले नयाँ सिजनको पहिलो हार व्यहोरेको छ । यस अङि तीन खेलमा अपराजित रहेको थियो ।
टोटेनहमले ४ खेलमा ९ अंक जोडेको छ । क्रिस्टल ४ खेलमा ५ अंक जोडेर ११ औं स्थानमा रहेको छ ।
पोखरा-पोखरा विश्वविद्यालय अन्तर्गतको पोखरा विश्वविद्यालय फुटबल क्लबले जेष्ठ २९ गतेदेखि असार ५ गतेसम्म भण्डारढिक खेल मैदान, लेखनाथमा पोखरा विश्वविद्यालय सुपरकप फुटबल प्रतियोगिता–२०८३ को तेस्रो संस्करण आयोजना गर्ने भएको छ । क्लबका अध्यक्ष बिमान प्रधान का अनुसार प्रतियोगिताको विजेता…
पोखरा-गण्डकी प्रदेशका भरपर्दा व्याटर अर्जुन कुमाल नेदरल्याण्डमा हुने आईसिसी मेन्स क्रिकेट वल्र्डकप लिग २ र युके प्रिपेरेशन टुरको लागि राष्ट्रिय क्रिकेट टोलीमा छनोट भएका छन् । उनी अहिले महानगर टी २० क्रिकेट प्रतियोगिता खेलिरहेका छन् । उनले बीरगन्ज…