काठमाडौं । न्युजिल्यान्ड पहिलो पटक टी-ट्वान्टी विश्वकपको फाइनलमा पुगेको छ । बुधबार अबुधाबीमा भएको पहिलो सेमिफाइनलमा इंग्ल्यान्डलाई ५ विकेटले हराउँदै न्युजिल्यान्ड फाइनलमा पुगेको हो ।
अबुधाबीमा पहिला ब्याटिङ गर्दै इंग्ल्यान्डले दिएको १६७ रनको लक्ष्य न्युजिल्यान्डले १९ ओभरमा ५ विकेट गुमाउँदै भेट्टायो । न्युजिल्यान्डलाई पहिलो पटक फाइनल पुर्याउने क्रममा डार्यल मिचेलले उत्कृष्ट ब्याटिङ गरे ।
नटआउट ७२ रनको इनिङ खेलेका मिचेलले ४७ बलमा ४ चौका र ६ छक्का प्रहार गरे । यस्तै, डेभोन कन्वेले ३८ बलमा ५ चौका र १ छक्का प्रहार गर्दै ४६ रन बनाए भने विस्फोट इनिङ खेलेका जेम्स निसमले ११ बलमा २७ रन बनाए ।
इंग्ल्यान्डका क्रिस वक्सले ४ ओभरमा १ मेडन राख्दै ३६ रन खर्चेर २ विकेट लिए भने लियम लिभिङ्सटन ४ ओभरमा २२ रन खर्चेर २ विकेट लिए। यस्तै, अदिल रसिदले १ विकेट लिए ।
यसअघि पहिला ब्याटिङ गरेको इंग्ल्यान्डले मोइन अलीको अर्धशतक मद्दतमा निर्धारित ओभरमा ४ विकेटको क्षतिमा १६६ रन बनायो । अलीले ३७ बल खेल्दै ३ चौका र २ छक्का प्रहार गरे ।
यस्तै, डेविड मलानले ३० बलमा ४१ रन बनाउँदा जोस बट्लरले २९ र लिविङ्सटनले १७ रनको योगदान दिए । न्युजिल्यान्डका टिम साउथी, एडम मिल्ने, जेम्स निसम र इश सोधीले समान १ विकेट लिए ।
पहिलो पटक फाइनल पुगेको न्युजिल्यान्डले बिहीबार हुने अष्ट्रेलिया र पाकिस्तानबीचको विजेतासँग उपाधिका लागि खेल्नेछ । फाइलन दुबईमा आइतबार हुनेछ ।
पोखरा-पोखरा विश्वविद्यालय अन्तर्गतको पोखरा विश्वविद्यालय फुटबल क्लबले जेष्ठ २९ गतेदेखि असार ५ गतेसम्म भण्डारढिक खेल मैदान, लेखनाथमा पोखरा विश्वविद्यालय सुपरकप फुटबल प्रतियोगिता–२०८३ को तेस्रो संस्करण आयोजना गर्ने भएको छ । क्लबका अध्यक्ष बिमान प्रधान का अनुसार प्रतियोगिताको विजेता…
पोखरा-पोखरा क्रिकेट एकेडेमीको आयोजनामा शुक्रबारदेखि पोखरामा छैटौँ संस्करणको ब्रेकिङ बाउन्ड्रीज छात्र÷छात्रा अन्तर विद्यालय टी–ट्वान्टी क्रिकेट प्रतियोगिता सुरु भएको छ । किडासा फाउण्डेशन र एमसिसीको सहयोग, कास्की जिल्ला क्रिकेट संघ र गण्डकी प्रदेश क्रिकेट संघको प्राविधिक सहयोगमा शुरु प्रतियोगिता…