काठमाडौं । प्रिमियर लिग फुटबल अन्तर्गत शनिबार राति भएको खेलमा म्यानचेस्टर सिटीले वाट्फोर्डलाई हराउँदै तालिकाको शीर्ष स्थानमा उक्लिएको छ ।
शनिबार राति भएको खेलमा सिटीले वाट्फोर्डलाई ३–१ गोल अन्तरले पराजित गरेको हो । सिटीको जितमा बेर्नार्डो सिल्भाले दुई गोल गर्दा रहिम स्ट्रर्लिङको नाममा एक गोल रह्यो । वाट्फोर्डका चुचो हर्नान्डेजले एक गोल फर्काए ।
चौंथो मिनेटमा स्ट्रर्लिङले गोल गर्दै सिटीलाई सुरुआती अग्रता दिलाएका थिए । खेलको ३१ औं मिनेटमा सिल्भाले गोल गर्दै सिटीलाई २(० को अग्रता दिलाए । सिल्भाले खेलको ६३ औं मिनेटमा व्यक्तिगत दोस्रो गोल गरेपछि सिटी ३–० ले अघि रह्यो ।
त्यसपछि खेलको ७४ औं मिनेटमा हर्नान्डेजले एक गोल फर्काएपनि सिटी ३–१ ले विजयी भयो ।
यस जितसँगै शीर्ष स्थानमा उक्लिएको सिटीले १५ खेलमा ३५ अंक जोडेको छ । वाट्फोर्ड १३ अंक जोडेर १७ औं स्थानमा रहेको छ ।
प्रिमियर लिगकै अर्को खेलमा लिभपुरले उल्भ्सविरुद्ध १–० को संघर्षपूर्ण जित निकाल्दा साउथ ह्याम्पटन र ब्राइटनले १–१ गोलको बराबरी खेल्दै अंक बाँडे ।
पोखरा- नयाँलिपि न्यूज डटकमको आयोजनामा आगामी असोज २ र ३ गते पोखरामा हुने गण्डकी प्रदेशस्तरीय ‘मिडिया कप फुटसल प्रतियोगिता–२०८३’ को सहयोगीमा हिमश्री फुड्स प्रालि सहयोगी भूमिकामा जोडिएको छ । हिमश्रीका निर्देशक प्रकाश केसीले मिडिया कपमा प्रालिको साथ रहने…
कास्की-चार मैत्रीपूर्ण टी—२० खेल्न पोखरा आईपुगेको भुटानी राष्ट्रिय क्रिकेट टोली मंगलबार पहिलो खेलमा गण्डकी प्रदेशको टोलीसँग ८ विकेटले पराजित भएको छ । पोखरा भ्रमणमा रहेको भुटानी राष्ट्रिय क्रिकेट टोली मंगलबार पोखरा रंगशाला क्रिकेट मैदानमा टस हारेर १९.३ ओभरमा…