पर्वत भलिबल क्लबलाई पोखरा कप क्लबस्तरीय भलिबलको उपाधि

पोखरा-पोखरा महानगर भलिबल संघद्वारा आयोजित ‘पोखरा कप अन्तर क्लबस्तरीय भलिबल’ प्रतियोगिताको उपाधि पर्वत भलिबल क्लबले जितेको छ । सडक महोत्सवको अवसरमा पोखराको बसुन्धरा पार्कस्थित भलिबल कोर्टमा भएको प्रतिस्पर्धा टफ गोर्खा टिमलाई पराजित गर्दै उपाधि उचाल्यो । पर्वतले २५–१६, २५–२१ र २५–२३ को सोझो सेटमा पराजित गरेको थियो ।

विजेता पर्वत भलिबल क्लबले एक लाख ११ हजार एक सय ११ नगदसहित ट्रफी प्राप्त गर्यो । उपविजेता टफ गोर्खा ट्रेनिङ सेन्टरको टिमलाई ७७ हजार सात सय ७७ रुपैया नगद पुरस्कार प्राप्त गर्यो । प्रतियोगिताको फाईनलमा पूर्व राष्ट्रिय भलिबल खेलाडी बलराम क्षत्रीलाई सम्मान गरियो । क्षत्रीलाई सम्मानपत्रबाट सम्मानित गरिएको थियो ।

प्रतियोगितामा उत्कृष्ट खेलाडीमा पवर्तका विष्णु क्षत्री, पर्वतकै भुपेन्द्र गुुरुङ (स्पाईकर), पवर्तकै संगम गुरुङ (डिफेण्डर), टफ गोर्खा टे«निङ सेन्टर कास्कीका विवश पुलामी मगर (ब्लकर) टफ गोर्खाका सन्जोग परियार(सर्भर) र पर्वतका सुवास कुँवर(सेटर) घोषित भए । उत्कृष्ट खेलाडीलाई नगद १० हजार, बेस्ट सेटर, बेस्ट डिफेन्डर, ब्लकर, सर्भरलाई जनही ३÷३ हजार रुपैयाँ प्रदान गरिएको थियो ।

पोखरा महानगर खेलकुद विकास समितिका अध्यक्ष दिपकबहादुर गोदारसहित रेवान पोखराका उपाध्यक्ष तथा सडक महोत्सवका कार्यक्रम संयोजक विश्वराज पौडेल, सहसंयोजक बैभव पौडेल लगायतले विजेताहरुलाई पुरस्कार वितरण गरेको थिए । प्रतियोगितामा गलकोट भलिबल क्लब, पोखरा महानगरपालिका निलो, पोखरा महानगरपालिका रातो, पर्वत भलिबल क्लब, बसुन्धरा पार्क क्लब, गुरुकुल विद्यालय, सिद्धार्थ लभडेल स्कुल, टफ गोर्खाको सहभागी रहेको थियो ।

पोखरा महानगरपालिका कार्यालय वडा नं ६ ले प्रायोजन गरेको थियो । कास्की पोखरा समाज जापान, सहप्रायोजकमा सुबिन गुरुङ र सन्दिप गुरुङ रहेका थिए भने प्रबद्र्धकमा पोखरा महानगरपालिका कार्यलय, पोखरा महानगपालिका खेलकुद बिकास समितिको समन्वय र रेबान पोखराको बिशेष सहयोग रहेकोे थियो ।