गण्डकी प्रदेश टेकबल संघ गठन

पोखरा-हंगेरीको राष्ट्रिय खेल टेकबल नेपाल भित्रिएसँगै गण्डकी प्रदेशमा खेलको विकास र विस्तारको लागि प्रदेशस्तरीय टेकबल तदर्थ समिति गठन गरिएको छ । छोटो समयमै अन्तराष्ट्रिय मान्यता प्राप्त टेकबलको गठित समितिको अध्यक्षमा सुजन आचार्यले चयन भएका छन् । उपाध्यक्षमा पोषणबहादुर थापा, सचिवमा सन्तोष रेग्मी र कोषाध्यक्षमा सुजा गुरुङ रहेका छन् ।

यसैगरी सदस्यहरुमा दिपक राजभण्डारी, धमेन्द्रकुमार घोरासैनी, सुदिप आचार्य, मन्जु क्षत्री, आशिष श्रेष्ठ, तिलबहादुर सेन र प्रकाश थापा रहेका छन् । समिति गठन भएसँगै प्रदेशमा टेकबलको जिल्ला समिति गठन गर्ने जनाएको छ । सानो क्षेत्रमा समेत खेल्न मिल्ने भएकोले पनि यो खेल निकै प्रभावकारी हुने विश्वास समितिको छ । टेवल टेनिस, फुटबल र सेपाक ताक्रोको मिश्रणको रुपमा यो खेल विकसित भएको मानिन्छ ।

राष्ट्रिय खेलकुद परिषदका पूर्व बोर्ड सदस्य सम्पन्न श्रेष्ठको विशेष आतिथ्यतामा समिति गठन गरिएको हो ।