प्रदेश ४ प्रथम इटहरी मेयरकप प्रदेशस्तरीय भलिबलको सेमिफाईनल प्रवेश

इटहरी(खेलाडी न्युज)—दोहोरो जित निकाल्दै प्रदेश नं ४ इटहरीमा अयोजित प्रथम प्रदेशस्तरीय मेयरकप पुरुष भलिबल प्रतियोगिताको सेमिफाईनलमा प्रवेश गरेको छ । प्रदेश नं ४ ले पहिलो खेलमा प्रदेश ६ लाई र दोसो खेलमा प्रदेश ५ लाई सोझो सेटमा पराजित गर्दै सेमिफाईनल सुरक्षित गरेको हो ।

प्रदेश नं ६ लाई २५—६, २५—१६ र २५—२३ ले पराजित गरेको प्रदेश ४ ले दोस्रो खेलमा प्रदेश ५ लाई २५—२३, २५—१५ र २५—२१ को सेटमा पराजित गर्दै अन्तिम चार पक्का गर्यो । त्यसैगरी अर्को खेलमा प्रदेश १ ले प्रदेश ७ लाई २५—१९, २५—१७ र २५—२० को सेटमा पराजित गरेको छ ।

इटहरी उपमहानगरपालिकाको आयोजना तथा पुर्वाञ्चल क्षेत्रीय भलिबल संघको व्यवस्थापनमा आयोजित प्रतियोगिता विजेता टोलीले नगद २ लाख पुरस्कार पाउने छ । दोस्रो हुने टोलीले एकलाख, तेस्रोले ५० हजार र चौथो एवं सान्त्वना हुने टिमले २५ हजार रुपैयाँ पाउने छन् । उत्कृष्ठ खेलाडीले १० हजार र विभिन्न विधाका उत्कृष्ठ खेलाडीले भने जनही ५—५ हजार रुपैयाँ प्रदान गरिने नेपाल भलिबल संघका बरिष्ठ उपाध्यक्ष यामबहादुर गुरुङले जानकारी दिए ।