पाका खेलाडी फेडेरर र भेनस परीबस ओपन टेनिसको सेमिफाईनलमा

एजेन्सी—टेनिसका शीर्षस्थानमा रहेका स्वीस खेलाडी रोजर फेडेररले दक्षिण कोरियन खेलाडी ह्युन चुङलाई सोझो सेटले पराजित गर्दै बीएनपी परीबस ओपन टेनिसको सेमिफाईनलमा प्रवेश गरेका छन् । ३६ वर्षिय फेडेररले कोरियन खेलाडीलाई ७—५, ६—१ को सोझो सेटमा पराजित गर्दै उपाधि तर्फ उन्मुख हुदैं गएका हुन् । उनले कोरियन खेलाडी चुङलाई अष्ट्रेलियन ओपनमा पराजित गरेका थिए । चुङ घाईते भएपछि खेल परित्याग गरेका थिए ।

यसैगरी अर्को खेलमा बोर्ना कोरिचले केभिन एन्डरसनलाई २—६, ६—४ र ७—६ को पराजित गरेका छन् । महिला तर्फ दशौं स्थानमा रहेकी एन्जेलिक्यु करबेरलाई २० औं स्थानकी डोर्या कासात्किनाले ६—०,६—२ को सेटमा पन्छाईन् । उनले जितको लागि ५८ मिनेटको समय लगाईन । आठौं बरियताकी ३७ वर्षिया अमेरिकन भेनस विलियम्सले स्पेनिस कर्ला स्वारेलाई ६—३, ६—२ को सेटले पराजित अन्तिम चारमा पुगिन् । उनले अब डोर्यासँग खेल्ने छिन् । भेनसले सोझो सेटको जित निकाल्न ७१ मिनेटको समय खर्चिन् ।