पोखरा-टाईगर ग्रुफ पोखरा नेपालले छैटौं एनसेल टाईगर कप आमन्त्रित महिला तथा पुरुष भलिबल प्रतियोगिताको आय व्यय सार्वजनिक गर्दै २२ लाख ६५ हजार रुपैयाँ बचत गरेको छ ।
गत माघ ९देखि १९ गतेसम्म पोखरा रगशाला भलिबल कोर्टमा आयोजित प्रतियोगितामा एनसेलले मुख्य प्रायोजन गरेको थियो । टाईगर ग्रुपले सार्वजनिक गरेको आयव्यय अनुसार १ करोड ६० लाख रुपैयाँ आम्दानी गरेको उल्लेख छ । त्यस्तै एक करोड ३७ लाख रुपैयाँ खर्च भएको शनिबार सार्वजनिक गरिएको आयव्यय विवरणमा उल्लेख छ ।
ग्रुपका अध्यक्ष नारायणप्रसाद शर्माले आम्दानी तर्फ सुश्री मिडिया प्रालिबाट ३० लाख प्रदेश खेलकुद परिषद मार्फत १० लाख, पोखरा महानगरपालिकाबाट १० लाख, टिम प्रवेश शुल्क मार्फत १ लाख ३५ हजार, प्रवेश शुल्कबाट ५९ लाख रुपैयाँ तथा विभिन्न संघसंस्था स्वदेशी तथा विदेशबाट ४८ लाख ४३ हजार रुपैयाँ जानकारी गराए ।
खर्च तर्फ नेपाली टिम र विदेशी टिमको यातायात खर्च ४४ लाख ५७ हजार रुपैयाँ देखाइएको छ । पुरस्कार तथा प्रोत्साहन तर्फ २६ लाख ७३ हजार, अस्थायी प्यारापिट मञ्च एवं साउण्ड सिष्टमको लागि १९ लाख, जुरी तथा रेफ्रीले १० लाख रुपैयाँ खर्च भएको ग्रुपका अध्यक्ष शर्माले सुनाए ।
पोखरा-पोखरा विश्वविद्यालय अन्तर्गतको पोखरा विश्वविद्यालय फुटबल क्लबले जेष्ठ २९ गतेदेखि असार ५ गतेसम्म भण्डारढिक खेल मैदान, लेखनाथमा पोखरा विश्वविद्यालय सुपरकप फुटबल प्रतियोगिता–२०८३ को तेस्रो संस्करण आयोजना गर्ने भएको छ । क्लबका अध्यक्ष बिमान प्रधान का अनुसार प्रतियोगिताको विजेता…