पोखरा(खेलाडी न्युज)—भर्खरै अन्तराष्ट्रिय क्रिकेटमा एकदिवसीय मान्यता प्राप्त गरेर फर्किएको नेपाली क्रिकेट टोलीका सदस्य करण केसीलाई आज पिस क्लब पोखराले नगदसहित सम्मानपत्रबाट सम्मानित गरेको छ ।
विश्वकप छनोटमा क्यानडा विरुद्ध अदभूत, अविस्वसनीय प्रदर्शन गरेका करणलाई पिस क्लबले नगद १० हजारसहित दोसल्ला ओढाई सम्मानपत्रबाट सम्मानित गरेको हो । पोखरा लेखनाथ महानगरपालिकाका वडा नं ७ का अध्यक्ष रामचन्द्र बरालले सम्मानपत्रबाट सम्मानित गरेका थिए ।
क्यानडासँगको प्रदर्शनलाई क्रिकेट प्रेमीले भने भुल्नै छैनन् । क्यानडाले दिएको १९५ रनको लक्ष्य दिएको थियो । नेपालले आईसिसी विश्व क्रिकेट लिग डिभिजन २ मा सबैभन्दा फराकिलो लक्ष्यलाई अन्तिम बलमा पुरा गर्दा क्यानडा चार खेलसम्म शीर्षस्थानमा रहेपनि अन्तिममा पीडादायी हुदैं डिभिजन टु मै अल्झियो । लक्ष्य पुरा गर्ने क्रममा उनले नटआउट ४२ रन हिर्काउँदै जितको लक्ष्य पुरा गरिदिए ।
उनलाई सन्दीप लामिछानेले अन्तिमसम्म साथ दिए । करणले ३१ बलमा ३ चौका र ४ छक्का हिर्कए । अन्तिम ओभरमा जितको लागि आठ रनको खाँचो थियो । चार बल डट खेले । पाँचौ बलमा बलमा करणले छक्का हिर्काए । एक बलमा दुई रनको खाँचो । बल वाईड फाले । एक बलमा एक रनको आवश्यक थियो । अन्तिम बलमा रन लिदैं क्यानडाले दिएको १९५ रनको लक्ष्यलई १ विकेट बाँकी रहदाँ पुरा ग¥यो ।
क्यानडलाई पराजित गर्दै विश्वकप छनोट हुदैं जिम्बावे पुगेको नेपाली राष्ट्रिय क्रिकेट टोली हङकङ र पपुवा न्युगिनीलाई हराउँदै अन्तराष्ट्रिय क्रिकेटमा एक दिवसीय मान्यता प्राप्त गरेको थियो । नेपाली क्रिकेट इतिहासमा २२ वर्षपछि यो उपलब्धी हासिल गरेको थियो । सन १९९६ मा मलेसियामा नेपालले अन्तराष्ट्रिय खेलमा डेब्यु गरेको थियो ।
पोखरा- नयाँलिपि न्यूज डटकमको आयोजनामा आगामी असोज २ र ३ गते पोखरामा हुने गण्डकी प्रदेशस्तरीय ‘मिडिया कप फुटसल प्रतियोगिता–२०८३’ को सहयोगीमा हिमश्री फुड्स प्रालि सहयोगी भूमिकामा जोडिएको छ । हिमश्रीका निर्देशक प्रकाश केसीले मिडिया कपमा प्रालिको साथ रहने…
कास्की-चार मैत्रीपूर्ण टी—२० खेल्न पोखरा आईपुगेको भुटानी राष्ट्रिय क्रिकेट टोली मंगलबार पहिलो खेलमा गण्डकी प्रदेशको टोलीसँग ८ विकेटले पराजित भएको छ । पोखरा भ्रमणमा रहेको भुटानी राष्ट्रिय क्रिकेट टोली मंगलबार पोखरा रंगशाला क्रिकेट मैदानमा टस हारेर १९.३ ओभरमा…