रसियामा पोग्बा र डिम्बेले रंगभेदको शिकार

एजेन्सी—विश्वकप आउन साढे दुई महिनाको समय छ । विश्वकपमा सहभागि देशहरु एकापसमा मैत्रीपूर्ण खेल खेल्दै छन् । मैत्रीपूर्ण खेल खेल्ने क्रममा विश्वकप आयोजक देश रसियामा भने फ्रान्सका दुईखेलाडी रंगभेदको शिकार भएका छन् । फुटबल खेल चलिरहदाँ दर्शकबाट रंगभेद गरिएकोप्रति फ्रान्सेली समाचार एजेन्सी एएफपीले जनाएको छ ।

फ्रेन्च प्लेयर पाउल पोग्बा र ओसामाने डिम्बालेलाई रंगभेदको शिकार बनाईएको छ । फ्रान्सेली खेलकुद मन्त्री लाउरा फ्लेसेलले आफना खेलाडीलाई रंगभेद गरिएकोमा रसियाप्रति कडा आपत्ति जनाएका छिन् । उनले रंगभेद भएको घटनाप्रति आफना खेलाडीलाई एकजुट भई रंगभेद विरुद्ध लड्न आग्रह समेत गरेकी छिन् ।

रसियाका समर्थकले उनीहरुमाथि गरिएको रंगभेद विरुद्ध गरेको कडा आपत्तिप्रति फिफाले अनुसन्धान थाल्ने रंगभेद विरुद्धको युरोप फुटबल संस्था( फुटबल अङ्गेष्ट र्यासिजम ईन युरोप— एफएआरई)जनाएको छ ।
फ्रान्सले रसियालाई मैत्रीपूर्ण खेलमा ३—१ ले पराजित गरेको थियो । पराजित गर्ने क्रममा पाउल पोग्बाले ४९ औं मिनेटमा गोल गरेका थिए ।

४० र ८३ मिनेटमा एमबाप्पे गोल गरेका थिए । उनलाई ७३ औं मिनेटमा रसियका समर्थकले रंगभेदको शिकार बनाएका थिए । गोल गरेपछि उनलाई रंगभेदको शिकार बनाईयो । डिम्बालेले दुई कर्नर हिर्काउने बेलामा उनीमाथि रसियाका सर्मथक खनिएको समेत समाचार एजेन्सीले उल्लेख गरेको छ ।

‘फुटबलको मैदानमा रंगभेदको कुनैस्थान हुदैन् ।’ खेलकुद मन्त्री फ्लेसेलेल ट्वीटमा लेखिन—रंगभेदको हर्कत युरोप र अन्तराष्ट्रियस्तरमा रोक्नुपर्छ ।’ रसियन फुटबल महासंघ(आरएफएफ)ले फ्रेन्च फुटबल महासंघ तथा फिफा समक्ष यस्तो रंगभेदको हर्कत रोक्ने प्रतिबद्धता जनाएको छ ।