व्याडमिन्टन हल र आर्चरीलाई १०/१० लाख बजेट

पोखरा(खेलाडी न्युज)-पोखरा रंगशालाभित्र निर्माणाधिन व्याडमिन्टन कभर्ड हलको लागि १० लाख रुपैयाँ छुट्टाइएको छ । आर्थिक वर्ष ०७५/०७६ को लागि बजेट उपलब्ध गराईएको हो । हलको अहिले माथि छाउने काम अगाडि बढेको छ । साढे तीन करोडको चारवटा कोर्टसहित अन्य पुर्वाधार समेत रहने गरी हल निर्माण गरिएको हो ।

आर्चरी १० लाख रुपैयाँ आएको छ । गत वर्ष आर्चरीकै लागि ५० लाख रुपैयाँ विनियोजन गरिएको थियो । आर्चंरी खेल मैदानमा अहिले जमिन सम्याई माटो भर्ने काम शुरु गरिएको छ । माटो भरेपछि दुवो रोप्ने योजना कास्की जिल्ला आर्चरी संघले बनाएको छ ।

परिषदले पोखरा रंगशालास्थित ह्याण्डबल कोर्ट निर्माणको लागि ९० लाख रुपैयाँ सुनिश्चितताको बजेट पठाएको थियो । उपभोक्ता समिति मार्फत काम गरिएको छ । कोर्टसहित चेन्जिङ रुम, शौचालय लगायतका पुर्वाधार बनाइएको छ । कोर्टसँगै दुई स्टेपको प्यारापिट निर्माण गरिएको छ । त्यही बजेटमध्ये ८० लाख रुपैयाँ आर्थिक वर्ष ०७५÷०७६ मा निकासा भएको जिल्ला खेलकुद विकास समिति कास्कीले जनाएको छ । Photo by- Deepak Godar