बिहीबार गण्डकी प्रदेश(४)को एक जित र एक हार

पोखरा(खेलाडी न्युज)-बाग्लुङको गल्कोटमा आयोजित २२ औं राष्ट्रिय महिला भलिबल प्रतियोगितामा गण्डकी प्रदेशले बिहीबार एक जित र एक हार व्यहोरेको छ । गण्डकी प्रदेश(४) शसस्त्र प्रहरी बलको एपीएफ क्लबसँग पराजित हुदाँ प्रदेश नं ७लाई पराजित गर्दै एक जित र हारसँगै व्यहोरेको छ ।

एपीएफसँग २५–२०,२५–१३,२५–१६ को सेटमा पराजित भएको गण्डकी प्रदेशले बिहीबार प्रदेश नं ७ लाई भने २५–१६, २५–१५ र २५–१६ को सेटमा पराजित गर्दैै सेमिफाईनलको सम्भावना यथावत राखेको छ । नेपाली सेनाको त्रिभुवन आर्मी क्लबले भने दोहोरो जित निकाल्ने क्रममा प्रदेश नं ७ र कर्णाली प्रदेश(६)लाई सोझो सेटमा पराजित गरेको छ ।

नेपाल भलिबल संघको व्यवस्थापन तथा गल्कोट नगरपालिकाद्वारा आयोजित प्रतियोगितामा आर्मीले पहिलो खेल प्रदेश नं ७ लाई २५–६, २५–११ र २५–८ को सेटले पराजित गर्दा अर्को खेलमा पनि आर्मीले कर्णाली प्रदेशलाई २५–६, २५–२ र २५–८ को सेटमा पराजित गरेको थियो । त्यसैगरी नेपाल प्रहरीले पनि प्रदेश नं ३ लाई २५–११, २५–७, २५–१३ को सेटमा पराजित गरेको छ ।