बाग्लुङ(खेलाडी न्युज), पुस २५
माघको दोस्रोसातापछि बाग्लुङमा प्रदेशस्तरीय मेयर कप हुने भएको छ । बाग्लुङ नगरपालिकाको आयोजनामा माघको १६ गते शहीद दिवसको दिन पहिलो पटक प्रदेशस्तरीय मेयर कप आयोजना गरिने नगरपालिकाले जनाएको छ । प्रतियोगिता स्थानीय बाङ्गेचौर र भकुण्डे खेल मैदानमा खेलाइने छ ।
नगरपालिकाको आयोजनामा सञ्चालन हुने यो सवाधिक पुरस्कार राशीको प्रतियोगिता हो । प्रदेश अन्तर्गत ११ जिल्लाका नगरपालिकाहरुलाई पत्रचार गरिएको बाग्लुङ नगरपालिकाले जनाएको छ । प्रतियोगितामा भाग लिनका लागि ४ नं प्रदेशका सबै नगरपालिकालाई आह्वान गरिएको बाग्लुङ नगरपालिका प्रमुख जनकराज पौडेलले बताए । प्रतियोगिताका विजेताले रु दुई लाख २२ हजार २२२ र उपविजेताले रु एक लाख ११ हजार १११ प्राप्त गर्नेछन् । प्रतियोगिताका उत्कृष्ट खेलाडीलाई रु १० हजार, उत्कृष्ट गोलरक्षक, डिफेण्डर, मिडफिल्डर, स्ट्राइकर र प्रशिक्षकलाई सम्मानस्वरुप रु पाँच पाँच हजार प्रदान गरिने आयोजकले जनाएको छ । अन्तिम चारमा प्रवेश गर्ने नगरपालिकालाई दैनिक भत्तासमेत प्रदान गरिनेछ । प्रतियोगिता सञ्चालनका लागि जिल्ला खेलकुद विकास समिति र जिल्ला फुटबल संघ बाग्लुङले सहयोग गर्ने छन् ।
पोखरा-चौथो एबीसी राष्ट्रिय एट ए साइड ४५ प्लस भेट्रान्स कप २०८२ को उपाधि बगर भाइखलकले हात पारेको छ । पोखरा रंगशालामा शुक्रबार सम्पन्न फाइनल खेलमा आयोजक एबीसीलाई ४–० गोल अन्तरले पराजित गर्दै प्रतियोगिताको उपाधी जितेको हो । उपाधि…
पोखरा-पोखरा महानगरपालिकासँगको सहकार्यमा गण्डकी प्रादेशिक क्रिकेट संघ गण्डकीले आगामी बैंशाखमा महानगर कप क्रिकेट प्रतियोगिता गर्ने तयारी गरेको छ । प्रधानमन्त्री एकदिवसीय क्रिकेट प्रतियोगिताको लागि गण्डकी प्रदेश टिम जर्सी अनावरण गर्दै महानग प्रमुख धनराज आचार्यले आगामी बैशाखमा महानगर कप…