एजेन्सी, असोज १० । युएईमा जारी इन्डियन प्रिमियर लिग (आईपिएल) मा अजा कोलकत्ता नाइट राइडर्स र सनराईजर्स हैदराबादबीच प्रतिस्पर्धा हुँदैछ ।
अबुधाबीस्थित शेख जायद स्टेडियममा दुबै टोली दोस्रो खेलका लागि उत्रिँदै छन् । दिनेश कार्तिकको कप्तानीमा मैदान उत्रने कोलकत्ता यस अघिको खेलमा मुम्बई इन्डियन्ससँग पराजित भएको थियो । त्यसैले लिगमा पहिलो जित निकाल्ने लक्ष्यसहित मैदान उत्रने छन् ।
यता, डेभिड वार्नरको कप्तानीमा मैदान उत्रने हैदराबाद पनि पहिलो जितको खोजीमा हुनेछ । पहिलो खेलमा भारतीय टोलीका कप्तान विराट कोहलीको टोली रोयल च्यालेन्जर्स बैंगलोरसँग १० रनले पराजित भएको थियो ।
यी टोलीबीचको प्रतिस्पर्धामा गत सिजनका दुई भेटमा दुबैले एक÷एक खेलमा जित निकालेका थिए । गत संस्करणमा भएको पहिलो भेटमा कोलकत्ताले ६ विकेटको जित निकालेको थियो । तर, दोस्रो भेटमा हैदराबादले ९ विकेटको जित निकालेको थियो ।
कोलकत्ताले हैदराबादविरुद्ध कार्तिकसँगै सुनिल नारिन, नितेश राना, आन्द्रे रसेल, इयान मोर्गन, पाट कुमिन्स, कुलदिप यादब जस्ता खेलाडी मैदान उतार्ने छन् । यस्तै हैदराबादसँग भने वार्नरसँगै जोनी बेयस्र्टो, मनिस पाण्डे, केन विलियाम्सन, विजय शंकर, राशिद खान, भुवनेश्वर कुमार, सन्दीप शर्मा लगायतका खेलाडी रहने छन् ।
पोखरा-पोखरा विश्वविद्यालय अन्तर्गतको पोखरा विश्वविद्यालय फुटबल क्लबले जेष्ठ २९ गतेदेखि असार ५ गतेसम्म भण्डारढिक खेल मैदान, लेखनाथमा पोखरा विश्वविद्यालय सुपरकप फुटबल प्रतियोगिता–२०८३ को तेस्रो संस्करण आयोजना गर्ने भएको छ । क्लबका अध्यक्ष बिमान प्रधान का अनुसार प्रतियोगिताको विजेता…
पोखरा-पोखरा क्रिकेट एकेडेमीको आयोजनामा शुक्रबारदेखि पोखरामा छैटौँ संस्करणको ब्रेकिङ बाउन्ड्रीज छात्र÷छात्रा अन्तर विद्यालय टी–ट्वान्टी क्रिकेट प्रतियोगिता सुरु भएको छ । किडासा फाउण्डेशन र एमसिसीको सहयोग, कास्की जिल्ला क्रिकेट संघ र गण्डकी प्रदेश क्रिकेट संघको प्राविधिक सहयोगमा शुरु प्रतियोगिता…