चेन्नई माथि रोयलको ३७ रनको जित

- आईपिएल

- खेलाडी न्युज, पोखरा


     खेलाडी न्युज    
     असाेज २५ गते २०७७ मा प्रकाशित


जितपछि अभिवादन गर्दै कोहली ।

दुबई-कप्तान विराट कोहलीले नटआउट ९० रन हिर्काएपछि रोयल च्यालेन्ज बंग्लोरले दिएको १७० रनको चुनौतिलाई महेन्द्रसिंह धोनीको टिम चेन्नई सुपर किंग्सले पछ्याउने भने सकेन् । धोनीको टोली ८ विकेट गुमाउँदै १३२ रनमा समेटिएपछि बैग्लोरले ३७ रनले पराजित गरेको हो ।

दुबई इन्टरनेशनल क्रिकेट स्टेडियममा आईपिएलको शनिबार आयोजित खेलमा देवदत्त पट्टीकलले ओपनिंग राम्रै गरेका थिए । उनले ३३ रन बनाए । आरोन फिन्च २ रनमै आउट भएपछि कोहलीले इनिंग मात्रै सम्हालेनन् टोलीको सम्मानजनक स्कोर पर्याउन नटआउट रहे ।

उनले ९० रन बनाउने क्रममा ५२ बलमा ४ चौका र ४ छक्का नै हिर्काए । उनको महत्वपूर्ण इनिंगले रोयलले १६९ रनको सम्मानजनक स्कोर बनाएको थियो । सिभम दुवेले नटआउट २२ रन बनाएका थिए ।

चेरिस मोरिसले महत्वपूर्ण तीन विकेट लिएपछि लक्ष्य पछ्याएको चेन्नई १३२ रनमै समेटिएको थियो । १९ रन खर्चिएर ३ विकेट लिदाँ उनले १४ बल डट मात्रै फाले । अम्बाती रयुडुले सार्वधिक रन बनाउने क्रममा ४२ रनको योगदान रह्यो । नारायण जगदिशनले ३३ रन बनाएका थिए । सेन वाटसनले १४ रनमात्रै बनाए ।