चेन्नई र सनराईज भिड्दै, वार्नर ५ हजार रनको कोशेढुंगा पुरा लक्ष्यमा

- खेलाडी न्युज, पोखरा


     खेलाडी न्युज    
     असाेज २७ गते २०७७ मा प्रकाशित


सनराईज हैदरावादका कप्तान डेविड वार्नर ।

एजेन्सी-अबको केहीबेरमा सनराईज हैदरवादले चेन्नई सुपरकिंग्ससँग खेल्दै छ । भारतीय फ्रेन्चाईज लिग(आईपिएल)को २९ औं खेल अन्तर्गत यी दुवै टोली दुबईस्थित दुबई इन्टरनेशनल स्टेडियममा खेल्दै छन् । चेन्नईले सनसाईजसँग अघिल्लो खेलमा व्यहोरको हारको बदला लिने अवसर बन्ने छ भने सनराईजले चेन्नईमाथि जित निकाल्दै अंक तालिकामा माथि उक्लिने लक्ष्य हुने छ ।

यी दुईको पछिल्लो छ खेलमा यही मैदानमा सनराईजले ४ जित र दुई हार व्यहोरेको छ । चेन्नईले पनि ६ खेलमा ३ जित र ३ हार व्यहोरेको छ ।

आजको प्रतिस्पर्धा सनराईजका कप्तान डेविड वार्नरको लागि निकै महत्वपूर्ण हुने छ । उनले ५ हजार रनको कोशेढुंगा पुरा गर्ने लक्ष्यमा हुने छन् । उनी केवल १९ रनले मात्रै ५ हजार रन पुरा गर्न बाँकी छ । आईपिएलमा ५ हजार रन बनाउने उनी पहिलो विदेशी तथा दोस्रो खेलाडी बन्ने छन् । यसभन्दा अघि भारतीय खेलाडी रोहित शर्मा(मुम्बई इण्डियन्स)ले पुरा गरेका थिए ।

आईपिएलको यो सिजनको उनीहरु बीच दोस्रो भेट हो । यस अघि १४ खेलमा आमने सामने भएका थिए । जुन प्रतिस्पर्धामा चेन्नई सनराईजसँग ७ रनले पराजित भएको थियो । सनराईजले दिएको १६५ को लक्ष्य प्रस्तुत गर्दा चेन्नई १५७ रनमा समेटिएको थियो ।