सनराईज पन्जाबसँग १२ रनले पराजित

- खेलाडी न्युज, पोखरा


     खेलाडी न्युज    
     कार्तिक ९ गते २०७७ मा प्रकाशित


सनराईजलाई पराजित गरेपछि पन्जाबका खेलाडीहरु ।

अबुधावी(एजेन्सी)-सनराईज हैदराबादलाई १२ रनले पराजित गर्दै किंग्स इलाभेन पन्जाबले प्ले अफ म्याचको लागि सम्भावना कायमै राखेको छ । शनिबार राती निकोलास पुरनको ३२ रनको मद्दतमा पन्जाबले ७ विकेटको क्षतिमा १२६ रन बनाएको थियो ।

व्याट्सम्यानहरुले खासै उल्लेख्य योगदान गरेनन् । तर पनि ओपनर केएल राहुलले २७ रनको योगदान गरे । अर्का ओपनर मन्दिप सिंहले १७ रन बनाएका थिए । क्रिस गेलले पनि तेस्रो नम्बरमा व्याटिंग गर्दै २० रन बनाएका थिए । रसिद खान, सन्दिप शर्मा र जासन होल्डरले दुई दुई विकेट लिएका थिए ।

१२७ रनको सामान्य लक्ष्य पटछ्याएको सनराईज भने ११४ रनमै समेटिन पुग्यो । डेविड वार्न र जोनी बेरिष्टले उत्कृष्ट शुरुवाती गरे । वार्नरले ३५ रन बनाए । बेरिष्टोले पनि १९ रनको योगदान दिए । विजय शंकरले २६ रन बनाउँदा मनिष पाण्डे १५ रन बाहेक अन्य व्याट्सम्यानको उल्लेख्य योगदान भने रहेन् । जितसम्मको स्थितिमा समेत अन्य व्याट्सम्यानले रन बटुल्न नसक्दा पराजय हुन पुग्यो । क्रिस जोर्डन र अर्सदिप सिंहले तीन तीन विकेट लिदैं सनराईजलाई धरासायी बनाए ।