बैंगलोरले राजस्थान रोयल्सलाई ८ विकेटले हरायो

एजेन्सी, असोज १७ । संयुक्त अरब इमिरेट्स (युएई) मा जारी इन्डिय प्रिमियर लिग (आईपिएल)मा विराट कोहलीको टोली रोयल्स च्यालेन्जर्स बैंगलोरले सहज जित हात पारेको छ ।

बैंगलोरले राजस्थान रोयल्सलाई ८ विकेटले पराजित गर्दै जारी लिगमा तेस्रो जित निकालेको हो । राजस्थानले जितका लागि दिएको १५५ रनको लक्ष्य बैंगलोरले १९ ओभर १ बलमा २ विकेट गुमाउँदै भेटायो । बैंगलोरका लागि देबदत्त पाडिकलले अर्धशतकीय पारी खेले । ४५ बल खेलेका उनले ६ चौका र १ छक्काको सहयोगमा ६३ रन बनाए ।

त्यस्तै विराट कोहलीले पनि बैंगलोरका लागि अर्धशतकीय पारी खेल्न सफल भए । ५३ बल खेलेका विराटले ७ चौका र २ छक्काको सहयोगमा ७२ रन बनाए । विराटको यो सिजनको आईपीएलमा पहिलो अर्धशतक हो । बैंलोरका लागि एबी डिभिलियर्सले १२ रन बनाउँदा एरोन फिन्चले ८ रन बनाए । बलिङतर्फ राजस्थाका लागि जोर्फा आर्चर र र्शेयस गोपालले एक–एक विकेट लिन सफल भए ।
यसअघि टस जितेर पहिले ब्याटिङ गरेको जास्थानले निर्धारित २० ओभरमा ६ विकेट गुमाएको राजस्थानले १५४ रन बनाएको थियो । राजस्थानका लागि महिपाल लोमरले ४७ रनको योगदान दिए । त्यस्तै राहुल तेवातीयाले २४ रन बनाउँदा जोस बटलरले २२, रविन उथपा र रियान प्रागले समान १६–१६ रनको योगदान गरे । बलिङतर्फ बैंगलोरका लागि युजिभेन्द्र चहालले सर्वाधिक तीन विकेट लिए । त्यस्तै इसुरु गडानले दूई विकट लिँदा नवदिप शैनीले एक विकेट हात पारे ।