जितसँगै मुम्बई आईपिएल तालिकाकाे शीर्ष स्थानमा

विकेट लिएपछि खुशी साट्दै मुम्बईका ईण्डियन्सका खेलाडीहरु ।

सारजहा, युएई- डेविड वार्नरले उत्कृष्ट शुरुवाती दिलाएपनि सनराईज हैदरवाद अन्तत मुम्बई इण्डियन्ससँग ३४ रनले पराजित भएको छ । युएईको सारजहास्थित क्रिकेट मैदानमा आईपिएलमा आज भएको प्रतिस्पर्धामा २०९ रनको लक्ष्य पछ्याएको सनराईज १७४ रनमै समेटियो ।

वार्नरले उत्कृष्ठ शुरुवात गर्ने क्रममा ६० रनको ठोस इनिङ खेले । जेम्स पाटिसनको बलमा आउट हुनु अघि वार्नरले ६० रन बनाउँदै गतिलो शुरुवात गरे । ४४ बल खेल्दै उनले ५ चौका २ छक्का हिर्काए । पहिलो विकेटको रुपमा सनराईजले जोनी बेरिष्टोलाई गुमायो । व्यक्तिगत २५ रन बनाएका जोनी टोरेन्ट बोल्टको बलमा पभेलियन फर्किए । दुई चौक र दुई छक्का हिर्काएन भ्याएका उनले १५ बल मात्रै खेल ।

उनी पछि आएका मनिष पाण्डेले पनि केही समय वार्नरलाई साथ दिए । तर पाण्डे पनि ३० रनमा आउट भएपछि सनराईज सस्तैमा समेटिने सम्भावना देखियो । केन विलियमसन, प्रियाम गर्ग र अभिषेक शर्मा क्रम ३, ८ र १० रनमा आउटभएपछि सनराईजले २०९ रनको लक्ष्य पछ्याउन निकै कठिन हुदैं गयो । अब्दुल सामदको नाममा २० रन मात्रै देखियो । सात विकेटको क्षतिमा १७४ रनमा समेटिन पुग्यो । मुम्बईका बलर टोरेन्ट बोल्टले २, जेम्स पाटिसनले २ र जसप्रित बुम्राहको नाममा पनि २ विकेट लेखिएको थियो ।

मुम्बई इण्डियन्सले आईपिएल अन्तर्गत आईतबार सनराईज हैदरवादलाई २०९ रनको लक्ष्य प्रस्तुत गरेको थियो । पहिलो विकेट ६ रनमै गुमाएको मुम्बई इण्डियन्सले क्विन्टन डीककको उत्कृष्ठ अर्धशतकीय पारी खेल्दै इनिंग सम्हाले । रोहित शर्मालाई पहिलो विकेटको रुपमा ६ रनमा गुमाएको मुम्बईको इनिंग सम्हाल्दै डीककले ६७ रनको पारी खेले । उनले ३९ बल खेल्दै ४ चौका र चार छक्का हिर्काए ।

सुर्यकुमार यादवले पनि २७ रनको योगदान दिदाँ इशान किसानले पनि ३१ रन बनाई योगफल बढाउन निकै मेहनत गरे । यादवले १८ बल खेल्दा किसानले २३ बलको सामना गरे । यादवले ६ चौका ठोके । किसानले १ चौका र २ छक्का खातामा चढासँदा हार्दिक पाण्ड्याले पनि २८ रनको योगदान गरे । पाण्ड्या १९ बल खेल्दै २ चौका र २ छक्का हिर्काए । केइरन पोलार्ड र कुर्नाल पाण्ड्याले नटआउट रहँदै २५ र २० रन बनाए । पाण्ड्याले २चौका र २ छक्का हिर्काए । पाँच विकेटको क्षतिमा मुम्बईले २०८ रन बनाएको थियो । सन्दीप शर्मा र सिदार्थ काउलले दुई दुई विकेट लिए । सिदार्थले ४ ओभरमा ६४ रन खर्चिएका थिए ।