क्रिकेट, अष्ट्रेलियाद्वारा न्यूजिल्याण्ड चारविकेटले पराजित

- खेलाडी न्युज, पोखरा


     खेलाडी न्युज    
     असाेज १९ गते २०७७ मा प्रकाशित


मेग लनिङ

एजेन्सी-न्यूजिल्याण्ड विरुद्धको दोस्रो एक दिवसीय महिला क्रिकेटमा अष्ट्रेलियाले चार विकेटले पराजित गरेको छ । न्यूजिल्याण्डले दिएको २५२ को लक्ष्यलाई मेग लनिङ को शतकीय पारी खेलेपछि ६ विकेट गुमाउँदै लक्ष्य प्राप्त गरेको हो ।

२५३ रनको लक्ष्य पछ्याउने क्रममा मेग लनिङले नटआउट शतकीय पारी खेल्दै जितको हकदार बनाउँदा राचेल हायनेससँग महत्वपूर्ण साझेदारी निभाईन् ।

लनिङले ९६ बल खेल्दै १०१ रनमा नटआउट रहदाँ ९ चौका र ३ छक्का हिर्काईन् ।हायनेसले ८२ रन बनाउँदै महत्वपूर्ण योगदान दिईन् । ८४ बलमा १३ चौका र १ छक्का उनको नाममा लेखियो ।

न्यूजिल्याण्डले सोफिई डिभाइनको अर्धशतकीय पारीको योगदानमा २५२ रन बनाएको थियो । उनले ओपनिङ व्याटिङ गर्दै ७९ रन बनाईन् । उनको र एमी साटर्थवेथले महत्वपूर्णै साझेदारी निभाएका थिए ।

एमीले ६९ रन बनाईन् । ओपनर नाटाली डडले ३४ रन बनाई पभेलियन फर्किइन् । त्यसैगरी काथे मार्टिनले २६ रन बनाएकी थिईन् । अष्ट्रेलियन बलर जेस जोनासेनले सर्वाधिक चार विकेट लिदाँ ३६ रन खर्र्चिन् ।