प्रधानमन्त्री कप महिला क्रिकेटको उपाधिका लागि एपिएफ र प्रदेश १ भिड्दै

- खेलाडी न्युज, पोखरा


     खेलाडी न्युज    
     पौष १९ गते २०७७ मा प्रकाशित


विकेट लिएपछि प्रदेश नं १ का खेलाडीहरु खुशीले उफ्रिदैं ।

काठमाडौं, पुस १९ । दाङमा जारी प्रधानमन्त्री कप महिला क्रिकेट प्रतियोगिता फाइनल खेल आज हुँदैछ ।

दाङको लमहीमा हुने फाइनल खेलमा उपाधिका लागि विभागीय टोली एपिएफ र प्रदेश एक भिड्दैछन् ।

एपिएफ र प्रदेश एक अपराजित रहँदै फाइनलमा पुगेका हुन् । समूह चरण र सेमिफाइनलमा सहज जित निकालेका यी दुई टोलीबीच फाइनलमा कडा प्रतिस्पर्धा हुने अनुमान गरिएको छ ।

दुबै टोलीमा राष्ट्रिय क्रिकेट टिमका खेलाडीको बर्चस्व छ । सेमिफाइनलमा एपिएफले सुदूरपश्चिमलाई नौ विकेटले हराउँदै फाइनलमा स्थान बनाएको हो ।

प्रदेश एकले सेमिफाइनलमा लुम्बिनीलाई १० विकेटले हराउँदै फाइनलमा स्थान बनाएको हो । प्रतियोगिताको विजेताले पाँच लाख र उप–विजेताले तीन लाख पुरस्कार जित्नेछन् ।