काठमाडौं मेयर कप क्रिकेट फागुन २२ देखि

- खेलाडी न्युज, पोखरा


     खेलाडी न्युज    
     फागुन १२ गते २०७७ मा प्रकाशित


नेपाल क्रिकेट संघ(क्यान) लोगो ।


पोखरा-काठमाडौं महानगरपालिकाको आयोजनामा यही फागुन २२ गतेदेखि मेयर कप हुदैं छ । मेयर कपमा पाँच टोलीले प्रतिस्पर्धा गर्ने छ । एकसाता चल्ने एकदिवसीय क्रिकेटमा प्रधानमन्त्री कपका चार सेमिफाइनलिष्ट टोली र एक टोली काठमाडौं महानगरपालिकाको बन्ने छ ।

काठमाडौं महानगरपालिकाको टिम भने प्रदेश १ , प्रदेश नं १, गण्डकी प्रदेश, लुम्बिनी प्रदेश, कर्णाली प्रदेश र सुदुर पश्चिम प्रदेशको संयुक्त बनाईने नेपाल क्रिकेट संघ (क्यान) का सचिव अशोकनाथ प्याकुरेलले जारी गरेको विज्ञप्तिमा जनाइएको छ ।

प्रधानमन्त्री कपका चार सेमिफाईनलिष्ट टोलीमा तीन विभागीय क्लब त्रिभुवन आर्मी क्लब, नेपाल पुलिस क्लब, शसस्त्र प्रहरी बल र बाग्मती प्रदेश हुन् । काठमाडौंको टोली भने विभिन्न प्रदेशबाट खेलाडी छनोट गरेर टोली बनाईने क्यानले जनाएको छ । राउण्ड रोविन लिगको आधारमा खेलाईने सम्भावन छ ।