स्याङजामाथि बालुवाटारको महत्वपूर्ण जित

- खेलाडी न्युज, पोखरा


     खेलाडी न्युज    
     फागुन १९ गते २०७७ मा प्रकाशित


म्यान अफ दि म्याच विपिन खत्रीलाई पुरस्कार प्रदान गर्दै कास्की जिल्ला क्रिकेट संघका अध्यक्ष सञ्जयकान्त सिग्देल ।

पोखरा-बालुवाटारले स्याङजा क्रिकेट संघलाई २७ रनले पराजित गरेपछि सेमिफाईनल प्रवेशको सम्भावना जिवितै राखेको छ । अब लिगको अन्तिम खेल पोखरा ११ सगँ खेल्ने छ । विजेताले सेमिफाईनल प्रवेश गर्दा पराजित हुने टोलीले प्रतियोगिताबाट विदाई लिने छ ।

के.एन स्पोर्टस प्रालिको आयोजना तथा सुपर जनरलको मुख्य प्रायोजन रहेको सुपर जनरल अन्तरक्लबस्तरीय टी-२० क्रिकेटको बुधबार भएको दोस्रो खेलमा बालुवाटारले स्याङजामाथि महत्वपूर्ण जित निकाल्दै अन्तिम चारको लागि आफनो सम्भावना जिवितै राख्यो । यो समुहमा पोखराले पनि २ अंकनै जोडेको छ । समुहबाट सेमिफाइनल पुग्न बिहीबार पोखरा र बालुवाटारको खेल दुवैका लागि ‘गर या मर’ को स्थितिमा छन् ।

टस जितेर ब्याटिङ्ग गरेको बालुवाटारले १९ ओभरमा मात्रै १ सय ५ रनमा सम्पूर्ण विकेट गुमाएको थियो । सामान्य लक्ष्य दिने क्रममा बालुवाटारको तर्फबाट सैसबध्वज केसीले २ चौका र १ छक्काको योगदानमा अभिजित ४२ रन बनाए । त्यस्तै विपिन खत्रीले १३ बलको सामना गर्दै २ चौका र १ छक्का हान्दै १९ रनको पारी खेले । बलिङतर्फ सुरज गुरुङ्गले ४ ओभरमा १ मेडन सहित २० रन खर्चिएर ३ विकेट लिए । अनुज गैह्रे, विष्णु पाण्डे र ठगेन्द्र थापाले समान २÷२ विकेट प्राप्त गरे ।

जितका लागि १ सय ६ को सामान्य लक्ष्य पछ्याएको स्याङजा ७८ रनमै समेटियो । १७.२ ओभर खेलेका स्याङजाको तर्फबाट सुरज गुरुङ्गले १८, विष्णु पाण्डेले १६ तथा विक्रम थापाले १२ रन जोडे । स्याङजालाई सस्तैमा समेटने क्रममा विन्ध्यश्वरी भाडा उद्योग म्यान अफ द म्याच विपिन खत्रीले महत्वपूर्ण ४ विकेट लिए । उनले ४ ओभर बलिङ्ग गर्दै ३ रन खर्चिएर २ मेडन राखे । अन्य बलरहरु आयुष सर्मा र नितेष गिरीले पनि २÷२ विकेट लिन सफल भए ।