न्युजिल्याण्डमाथि बंगलादेशको रोमाञ्चक जित

एजेन्सी-बंगलादेशले न्युजिल्याण्डमाथि दोस्रो टी-२० मा ४ रनले पराजित गर्दै श्रृखला २-० ले अग्रता लिएको छ । ढाकामा भएको प्रतिस्पर्धामा १४१ रन पछ्याएको न्युजिल्याण्ड १३७ रनमा समेटिएपछि बंगलादेशले रोमान्चक जित दर्ता गर्दै श्रृंखला २-० को अग्रता बनायो ।

मोहम्मद नायमको उत्कृष्ट शुरुवात गरेपछि बंगलादेशले सम्मानजनक स्कोर तयार गरेको थियो । नायमले ३९ रन बनाउने क्रममा ३९बल नै खेलेर ३ चौका प्रहार गरे । उनीसँगै रहेका ओपनर लिटोन दासले ३३ रनको योगदान दिए । पहिलो विकेटको लागि ५९ रनको साझेदार गरे ।

मध्यक्रममा मोहम्मदुल्लाहले ३७ रन नटआउट खेले । ३२ बल खेल्दै ५ चौका प्रहार गरे । रचिन रविन्द्रले चार ओभरमा २२ रन खर्चिएर ३ विकेट आफनो नाममा लेखे ।

१४२ रनको चुनौति पछ्याउने क्रममा न्युजिल्याण्ड १३७ रनमा समेटिन पुग्यो । पहिलो र दोस्रो विकेट सस्तैमा आउट भएपछि न्युजिल्याण्डको इनिंगलाई तेस्रो नम्बरमा आएका टम लाथमले सम्हाले । उनले नटआउट अर्धशतक पुरा गर्दै टिमलाई उकास्ने प्रयास गरे । ६५ रन बनाई खेल्ने क्रममा उनले ४९ बल खेल्दै ६ चौका र १ छक्का प्रहार गरेका थिए ।

विल योंगले २२ रन बनाई योगदान दिए । तर जितसम्मको हकदार बनाउन भने अन्य व्याट्सम्यानको योगदान उल्लेख्य रहन सकेन् । मेहदी हसन र शकिब अल हसनले समान दुई दुई विकेट लिए ।