पोखरा-नवौं राष्ट्रिय खेलकुद प्रतियोगिताको लागि गण्डकी खेलकुद परिषदले ७ गतेदेखि १२ गतेभित्रमा जिल्ला छनोट गरिसक्न निर्देशन गरेको छ । जिल्ला छनोट भएका खेलाडीलाई परिषदले १५ गतेदेखि १९ गतेभित्रमा छनोट गर्ने छ । केही खेललाई परिषदले विशेष प्रशिक्षणमा राखेपछि प्रदेश छनोट गर्ने टुग्याउने छ ।
जिल्ला छनोटको लागि जिल्ला खेलकुद मार्फत विभिन्न संघहरुलाई खेलाडी फर्म दर्ताको लागि पठाईसकिएको छ । दर्ता भएको फर्मकै आधारमा खेलाडीहरु जिल्ला छनोटमा सहभागिता जनाउन पाउने छन् । परिषदले सफ्ट टेनिस, टेनिस, स्क्वास, खो–खो, हक्की, फेन्सिङ, स्वीमिङ, ट्रायथोलन, साइक्लिङ, महिला ह्याण्डबल, महिला बास्केटबल, महिला फुटबल, महिला क्रिकेट, प्याराग्लाइडिङ, गल्फ, कुस्ती, सुटिङ जस्ता खेलको प्रदेशले विशेष प्रशिक्षणपछि छनोट गरेर टुग्याउने छ ।
‘१६ खेलका खेलाडीहरु संघ मार्फत जिल्लाले प्रदेशमा नामावली पठाउने छ ।’ परिषदका सदस्य तथा प्रतियोगिताका संयोजक खगेन्द्र क्षत्रीले भने–‘नामावली आईसकेपछि ती खेलका खेलाडीलाई २० दिने विशेष प्रशिक्षणको व्यवस्था परिषदले गर्ने छ । विशेष प्रशिक्षणपछि प्रदेश छनोट गरिने छ । प्रदेश छनोट भएका खेलाडीलाई बन्द प्रशिक्षणमा राखिने छ ।’ परिषद्ले पहिलो चरणमा भदौ ३ गतेबाट विशेष प्रशिक्षण सहित खेलाडी छनोट प्रतियोगिताहरु कास्की, नवलपुर, स्याङजा र बागलुङमा सञ्चालन हुनेछन् ।
जिल्लाबाट छनोट भएका आएका खेलाडीहरुलाई प्रदेश छनोट प्रतिस्पर्धा मार्फत छनोट गरिने छ । क्षत्रीका अनुसार १५ गतेदेखि १९ गतेसम्म प्रदेश छनोट गरिने छ । यद्यपी केही खेलहरुको २० दिनको विशेष प्रशिक्षणपछि छनोट गरेर अन्तिम नामावलीसहित राष्ट्रिय खेलकुद परिषदमा पठाईने छ । भदौ १५ गते भव्य कार्यक्रमका विच प्रदेश छनोटलाई ‘स्टेट गेम्स’को रुपमा ‘व्राण्डिङ’ गरी अघि बढाइने परिषदले तयारी थालेको छ ।
परिषद्ले ११ वटै जिल्लाका खेलकुद विकास समितिका अध्यक्ष र कार्यालय प्रमुखहरुको छलफल पश्चात कार्यतालिका सार्वजनिक गरेको हो । गण्डकी प्रदेशबाट ३८ खेलमा ७ सय भन्दा वढी खेलाडीले सहभागिता जनाउने छन् भने छनोट भएका खेलाडीहरु भदौ २६ देखि असोज २६ गते सम्म आवाशिय सुविधा सहित बन्द प्रशिक्षणमा राखिने तयारी गरिएको परिषद्ले जनाएको छ । आगामी असोज २८ देखि कार्तिक ३ गते सम्म आयोजना हुने नवौं राष्ट्रिय खेलकुद प्रतियोगिता पोखरासहित गण्डकी प्रदेशमा ३९ वर्ष पछि हुँदैछ । प्रतियोगितामा ३६ र २ प्रदर्शनी खेल गरी ३८ खेलका करिव ८ हजार खेलाडी गण्डकी प्रदेशमा आउने छन् ।
पोखरा-फिफा फुटबल फर स्कुलको लागि कास्की जिल्ला फुटबल संघले कास्कीका विभिन्न १५ विद्यालयलाई फुटबल हस्तान्तरण गरेको छ । फिफाबाट प्राप्त बललाई संघले शुुक्रबार विशेष कार्यक्रम गरी छनोटमा परेका १५ विद्यालयलाई बल हस्तान्तरण गरिएको हो । फिफा फुटबल फर…
पोखरा-पोखरा महानगरपालिकासँगको सहकार्यमा गण्डकी प्रादेशिक क्रिकेट संघ गण्डकीले आगामी बैंशाखमा महानगर कप क्रिकेट प्रतियोगिता गर्ने तयारी गरेको छ । प्रधानमन्त्री एकदिवसीय क्रिकेट प्रतियोगिताको लागि गण्डकी प्रदेश टिम जर्सी अनावरण गर्दै महानग प्रमुख धनराज आचार्यले आगामी बैशाखमा महानगर कप…