फुटबलका महारथी श्याम थापाद्वारा सहारा एकेडेमी भ्रमण

पोखरा-श्याम थापा । दक्षिण एशियली फुटबलका महारथी । उनै फुटबलका दिग्गज श्याम थापाले पोखराको सहारा एकेडेमी भ्रमण गरेका छन् । आईतबार पोखरा–१७ दोविल्लास्थित सहारा एकेडेमीको अवलोकन गरेका छन् ।

अवलोकनपछि थापाले एकेडेमीका रहेको बालकहरुलाई फुटबलर बन्न प्रेरित गरे । उनले राष्ट्रिय फुटबल खेलाडी बन्न उत्प्रेरणा दिए । थापाले सहारा क्लबले खेलाउने गोल्डकपमा शसक्त टिम सहभागि गराउने प्रतिबद्धता समेत जनाए ।

एकेडेमी व्यवस्थापन उपसमिति संयोजक तथा सहारा क्लब पोखराका वरिष्ठ उपाध्यक्ष पूर्णबहादुर गुरुङले स्वागत मन्तव्य व्यक्त गर्दै एकेडेमीको उद्देश्यमाथि प्रकाश पारेका थिए ।

सहारा क्लब पोखराले एकेडेमीमा हाल चौंथो ब्याचका बालक भर्ना लिइरहेको छ । उनीहरुलाई क्लबले फुटबल सिकाउनुका साथै निःशुल्क आवासीय सुविधा र शिक्षादीक्षा प्रदान गर्दै आएको छ ।