पोखरा-बाग्लुङमाथि ९३ रनको जित निकाल्दै स्याङजा पोखरामा आयोजित वाइ वाई यु १९ प्रादेशिक छनोट क्रिकेट प्रतियोगितामा सुखद शुरुवात गरेको छ ।
प्रादेशिक क्रिकेट संघ गण्डकीको आयोजनामा पोखरा रंगशालामा बिहीबार भएको प्रतिस्पर्धामा टस हारेर व्याटिङको निम्तो पाएको स्याङजाले ४२। ओाभरमा सबै विकेट गुमाउँदै १६० रनको योगफल तयार पार्यो । सातौं नम्बरमा आएका किरण भट्टराईले ६४ बल खैल्दै ४९ रनको महत्वपूर्ण इनिङ खेले । ओपनर अनिस ताम्राकारले ९ र करण पंगेनीले ३० रन बनाए । तेस्रो नम्बरमा आएका व्याटर कृष्ण खड्का शून्यमै आउट भए । एकपछि अर्को गरी विकेट गुमाएपछि धरासायी बन्दै गएको स्याङजालाई भट्टराईले सम्हाले । उनीसँगै विपिनराज न्यौपानेले २१ रनको योगदानमा स्याङजाले प्रतिस्पर्धात्मक लक्ष्य तयार गर्यो ।
बाग्लुङका अश्विन थापाले ४ विकेट लिए । रुपेश थापाले ५.१-१-१८-२ को स्पेल राखे । पुष्कर रिजाल र दिपेश कुँवरले पनि समान २ विकेट आफनो नाममा लेखाए ।
१६१ रनको लक्ष्य पछ्याएको बाग्लुङ भने ६७ रनमै समेटियो । किरण भट्टराईले ७ ओभरमा १४ रन दिएर ६ विकेट लिएपछि बाग्लुङ सस्तैमा समेटिन पुग्यो । ओपनर चन्द्रदिप यादवले राम्रो शुरुवात दिलाउने क्रममा २३ रन बनाए । १ छक्का र चार चौका हिर्काउँदै राम्रो शुरुवात गरेपछि अर्का ओपनर पुष्कर रिजाल ८ रनमै आउट भएपछि बाग्लुङको विकेट पतन शुरु भएको थियो ।
चौथो, पाँचौ र छैटौं नम्बरमा आएका व्याटर शून्यमै आउट भए । सातौं नम्बरमा आएका अश्विन थापाले १७ रनको योगदान गरे । स्याङजाका प्रकाश खनालले २ विकेट लिए । खेलमा प्लेयर अफ दि म्याचको पुरस्कार किरण भट्टराई बने ।
हेमजा – “युवा एकता र विकासका लागि खेलकुद ” भन्ने मूल नाराका साथ पोखरा महानगरपालिका वडा न।२५ हेमजामा अवस्थित हेमजा यूनाईटेडको आयोजनामा तथा पोखरा महानगर एवं २५ नं वडा कार्यालयको संरक्षणमा यही जेष्ठ १० देखि १७ गते सम्म…
पोखरा-कास्कीले पर्वतलाई २० रनले पराजित गर्दै तेस्रो गण्डकी प्रदेश पुरुष टि–२० क्रिकेट प्रतियोगितामा सुखद शुरुवात गरेको छ । अर्को खेलमा नवलपुरले गोरखालाई ९० रनको फराकिलो रनअन्तरले पराजित गर्यो । प्रदेश खेलकुद परिषद गण्डकीको प्रवद्र्धन तथा प्रादेशिक क्रिकेट संघ…