सिब्रिन र सोहेल यु १९ बन्द प्रशिक्षणको १८ जनाभित्र

पोखरा-आईसिसी यु १९ विश्वकप एशिया छनोट प्रतियोगिताको लागि १८ जनाको नाम सार्वजनिक गरिएको छ । नेपाल क्रिकेट संघ(क्यान)ले सोमबार साँझ सार्वजनिक गरिएको नाममा पोखराका दुई खेलाडीले स्थान पाएका छन् ।

पोखराका सिब्रिन श्रेष्ठ र सोहेल कुँवरलाई समावेश गर्दै यु १९ को विश्वकप एशिया छनोटको लागि १८ सदस्यीय टोली घोषणा गरिएको हो । नरेश भट्टको कप्तानीमा टोली सार्वजनिक गरिएको क्यानले जनाएको छ । यद्यपी अन्तिम १४ जनाको भने केही दिनपछि सार्वजनिक गर्ने क्यानले जनाएको छ ।

टोलीमा साहिल पाटेल, दर्श सुनार अशोक धामी, युवराज खत्री, विपिन शर्मा, अभिषेक तिवारी(उपकप्तान), दिलसाद अलि, दयानन्द मण्डल ,अरविन्द घर्ती, नितेश पटेल, निरजकुमार यादव, रोशनुकमार विश्वकर्मा, सन्तोषकुमार यादव, अप्राजित पौडेल, अमर मिश्र रहेको क्यानका प्रवक्ता छुम्बी लामाले जनाएका छन् । अप्रजित पौडेल भने नवलपुरका हुन् ।