हेटौंडा र आर्मीको उपाधि भेट

अफ्रिकन विरुद्ध त्रिभुवन आर्मी क्लब ।

हेटौंडा-पहिलो सहभागिता जनाएको विदेशी टोली अफ्रिकन रुट्स एसोसिएसन क्यामरुनलाई १–० गोलअन्तरले पराजित गर्दै नेपाली सेनाको त्रिभुवन आर्मी क्लब हेटौंडामा आयोजित शहीदस्मृति अन्तराष्ट्रिय गोल्डकपको फाईनल प्रवेश गरकेो छ । उपाधिको लागि आर्मीक्लबले शनिबार हेटौंडामा जारी स्थानीय तह शहीद स्मृति अन्तर्राष्ट्रिय गोल्डकप तेस्रो संस्करण प्रतियोगिताको फाइनलमा आयोजक टोली रिगल हेटौंडा रिसोर्ट मकवानपुरसँग शनिबार प्रतिस्पर्धा गर्ने छ । आयोजक हेटौडा रिसोर्ट मकवानपुर साविक विजेता समेत हो ।

आर्मीका लागि आशीष शाक्यले गोल गरे । अत्यन्त प्रतिस्पर्धात्मक खेलमा त्रिभुवन आर्मी क्लबका तर्फबाट दोस्रो हाफको ६८ औं मिनेटमा मात्र गोलको साइत जुरेको थियो । पहिलो हाफमा गोलरहित बराबरी खेलेका दुवै टिमले दोस्रो हाफमा आर्मीले पाएको एक मौकाको फाइदा उठाउदै गोल गर्न सफल भयो । आरसले पाएको मौकाको सदुपयोग गर्न नसक्दा खेलमा पराजित हुनुप¥यो ।
तुलनात्मकरुपमा मध्यमस्तरको खेल प्रदर्शन गरेको आर्मीलाई आरसले दबाबमा राख्न सफल भएको थियो । दबाबमा परेको आर्मीले टिमको डिफेन्स बलियो बनाउ“दा आर्मीले फाइनलयात्रा तय गरेको हो ।
आरसले पाएको गोल गर्ने मौकाहरु सदुपयोग गर्न नसक्दा खेलमा बलियो मानिएको आरस घर फर्कन बाध्य भयो । विभागीय टोली त्रिभुवन आर्मीका कप्तान टेकबहादुर बुढाथोकी प्रतियोगिताको म्यान अफ दी म्याच घोषित भएर १० हजार नगद पुरस्कार पाए ।

बुधबार हेटौंडा–१० स्थित बनविज्ञान अध्यन संस्थानको खेलमैदानमा भएको पहिलो सेमिफाइनल खेलमा मच्छिन्द्र क्लब काठमाडौंलाई ४–३ गोलअन्तरले पराजित गर्दै आयोजक टोली फाइनल प्रवेश गरिसकेको छ । प्रतियोगिता विजेताले उपाधिसहित १० लाख हात पार्नेछ भने उपविजेताले ५ लाख प्राप्त गर्नेछ ।