रंगाशालाभित्र ग्रिन पटिङ बनाईने, बसन्त गौचनले जिते गल्फ मन्थ्ली मेडल

- खेलाडी न्युज, पोखरा


     खेलाडी न्युज    
     फागुन १७ गते २०७६ मा प्रकाशित


पोखरा(खेलाडी न्युज)-पोखरा रंगशालाभित्र गल्फ एकेडेमी स्थापना गरिने छ । कास्की जिल्ला गल्फ संघले रंगशालाभित्रको सेतीनदी किनारको क्षेत्रमा एकेडेमीको लागि पटिङ ग्रिन निर्माण गर्ने तयारी गरेको छ । त्यसको लागि आवश्यक अध्ययनसँगै लागत इष्टिमेट गरिने नेपाल गल्फ संघका केन्द्रीय सदस्य तथा कास्की जिल्ला गल्फ संघका सल्लाहकार भुवन गुरुङले बताए ।

उनका अनुसार रंगशालाभित्रको उपयोग विहीन जग्गालाई गल्फ एकेडेमी निर्माण गर्ने योजना रहेको छ । ‘गल्फ ड्राइभिङ रेन्ज र तीन वटा पटिङ ग्रिन बनाउने योजना छ’–उनले भने–‘एकेडेमीको लागि क्लब हाउस समेत बनाईने छ ।’ हाउसमा एकेडेमीमा आवद्ध खेलाडीलाई गल्फ सम्बन्धी सामान्य जानकारी गराईन्छ ।’

गल्फ प्रशिक्षणस्थलको लागि सेती नदी किनारमा ४० फिट अग्लो फेन्सिङ(तारजाली) लगाउनुपर्ने खाँचो औल्याए । तीन करोड भन्दा खर्च लाग्ने अनुमान गरिएको छ । लागत अनुसार बजेटको लागि गण्डकी प्रदेश सरकार समक्ष पेश गरिने उनले बताए । ‘लागत इष्टिमेट गरेसकिएपछि गण्डकी प्रदेश सरकारसँग प्रस्तुत गरिने छ ।’ उनको भनाई थियो ।
नदी किनारको क्षेत्र भासिएको छ । भासिएको क्षेत्रलाई गल्फले उपयोग गर्ने छ । भासिएको जग्गालाई पुरपार गरिने कास्की जिल्ला गल्फ संघले जनाएको छ । यसैबीच नियमित रुपमा आयोजना हुने गल्फ मन्थ्ली मेडलको पुरस्कार बसन्त गौचनले जितेका छन् ।

गौचनले काउण्ट व्याकमा ई गोविन्द गौचनलाई पराजित गर्दै उपाधि जितेका हुन् । दुवैले समान २ अण्डर ६७ को कार्डमा खेलेका थिए । यद्यपी काउण्ड व्याकमा पछि पर्दा ई. गौचन उपविजेतामा चित्त बुझाए । स्ट्रोक प्ले फूल ह्याण्डी क्यापमा खेलाईएको थियो ।

हिमालयन गल्फ कोर्ष छिनेडाडाँमा आयोजित प्रतिस्पर्धामा ग्रस तर्फको पुरस्कार राजेन्दै गौचनले जिते । उनले १२ ओभर(८१) कार्ड बनाए । उनको ह्याण्डी क्याप अनुसार दुई अण्डरको स्कोर थियो । क्लोजेष्ट टु दि पिनको पुरस्कार राजेन्द्र गौचनले जिते । लङगेष्ट टु दिन पिनको पुरस्कार बलराम थापाले जिते । प्रतिस्पर्धामा २५ जना सहभागि थिए ।