
एजेन्सी, असोज २० । रुसका करेन खाचनोभलाई हराउँदै सर्बियन टेनिस खेलाडी नोभाक जोकोभिच फ्रेन्च ओपन टेनिसको क्वार्टर फाइनलमा प्रवेश गरका छन् ।

सोमबार राति पेरिसमा भएको अन्तिम आठको प्रतिस्पर्धामा जोकोभिजले करेनमाथि ६–४,६–३ र ६–३ को सेटमा जित निकाल्दो अघिल्लो चरणको यात्रा तय गरेका हुन ।
सोमबारको जितपछि जोकोभिच १४ औं पटक फ्रेन्च ओपनको क्वाटरफाइनलमा पुगेका छन् । एक पटकको फ्रेन्च ओपनको उपाधि उचालेका जोकोभिचले सेमिफाइनल प्रवेशका लागि पाब्लो बुस्टा र डानिलबीचको विजेतासँग खेल्ने छन् ।

यस्तै पाँचौं वरीयता प्राप्त ग्रिसका स्टेफानोस सिट्सिपासले पनि क्वार्टर फाइनलमा स्थान बनाएका छन् । स्टेफानोसले बुल्गेरियन खेलाडी ग्रिगोर दिमित्रोभलाई ६–३, ७–६(११–९) र ६–२ ले पराजित गरे । स्टेफानोसले अब एन्ड्री रूब्लेभसँग खेल्ने छन् ।
महिलातर्फ रुसकी पेट्रा कोभिटोभाले अन्तिम आठमा स्थान बनाएकी छिन् । कोभिटोभाले चीनकी झाङ शुईलाई ६–२ र ६–४ ले पराजित गरिन् । कोभिटोभा आठ वर्षपछि फ्रेन्च ओपनको क्वाटरफाइनलमा पुगेकी हुन् ।


पोखरा-अन्तर्राष्ट्रिय क्रिकेट रङ्गशालामा जारी गण्डकी पीएम कप महिला टी(२० छनोट प्रतियोगिता आईतबार भएको खेलमा कास्कीले बागलुङलाई ८९ रनको फराकिलो जित निकालेको छ । खेलमा बागलुङकी कप्तान संरचना गिसी तामाङले टस जितेर पहिले फिल्डिङ गर्ने निर्णय गरेकी थिइन्। पहिले…