फ्रेन्च ओपन, जर्मनीका जेरेभ बाहिरिए

- खेलाडी न्युज, पोखरा


     खेलाडी न्युज    
     असाेज १८ गते २०७७ मा प्रकाशित


पराजितपछि निराश मुद्रामा जेरेभ ।

एजेन्सी-छैटौं बरियताका जर्मनीका अलेक्जण्डर जेरेभ इटालीयन खेलाडीसँग फ्रेन्च ओपनमा चौथो चरणमा स्तब्ध बन्न पुगेका छन् । इटालीका जेनिक सिनरले जेरेभलाई चौथो चरणमा चौथो सेटमा पराजित गर्दै क्र्वाटरफाईनलमा शीर्ष बरियताका स्पेनिस खेलाडी राफाल नाडालसँग भेट पक्का गरेका छन् ।

पहिलो सेट ६-३ ले गुमाएका जेरेभले दोस्रो सेट पनि उस्तै गरी गुमाउन पुगे । दोस्रो सेट पनि ६-३ ले गुमाए । तेस्रो सेटमा भने लयमा फर्किए । ४-६ सेटले आफनो पक्षमा पारेको जेरेभ चोथो सेटमा पनि ६-३ मै गुमाउँदै फ्रेन्च ओपनबाट बाहिरिन पुगे ।

जेरेभले तेस्रो सेट आफनो पक्षमा पार्न सबैभन्दा लामो र्याली गरे । २५ सट हिर्काए । एक प्वाईन्ट लिन १९ मिनेट ५४ सेकेण्डको समय लगाँउदै १-३ को अग्रता लिएका थिए । तर चौथो सेटमा भने उनको जोर चलेन् ।