गायलाई बेमुर्डा गल्फ च्याम्पियनसीप उपाधि

बेमुर्डा गल्फ च्याम्पियन ब्रियन गाय ।

एजेन्सी-अमेरिकन गल्फर ब्रियन गायले प्ले अफमा वाईन्डम क्लार्कलाई एक स्ट्रोकले पछि पार्दै साउथह्यामटन परिचस्थित पोर्ट रोयल गल्फ कोर्षमा आयोजित बेमुर्डा गल्फ च्याम्पियनको उपाधि जितेका छन् ।

अन्तिम खेल गायले १२ फिटको दुरीबाट १८ होलमा बर्डी हिर्काएपछि जित निकालेका थिए । ४८ वर्षिय गायको करियरकै पाँचौ पिजिए टुर उपाधि हो । गायले १७ होलमा बोगी खेपे । १७ होलको पार ५ मा उनले एक स्ट्रोक बढी हिर्काउदै बोगी खेपे ।

पार ७१ को कोर्षमा दुवैले समान १५ अण्डर २६९ को कार्ड बनाउँदै बराबरीमा टुग्याएका थिए । एक होलको प्ले अफमा गायले तीन स्ट्रोक खेल्दा क्लार्कले ४ स्ट्रोक खेल्न पुगे ।

अन्तिम दिनको खेलमा गायले ७ अण्डर ६४ को कार्ड बनाए । उत्कृष्ट लयमा देखिएका गायले आठौं र १७ औं होलमा खेपे । तर उनले ९ अण्डर खेलिसकेको अवस्थामा १८ होल टुग्याउँदा ७ अण्डर ६४ को स्थितिमा रहेका थिए ।

दोस्रो स्थानमा रहेका अमेरिकन गल्फर क्लार्कले फ्रन्ट नाईनमा उत्कृष्ट प्रदर्शन गर्दै ५ अण्डर ३१ मा रहेर व्याक नाईन शुरु गरेका थिए । तर व्याक नाइन भने उनले सोचे जस्तो प्रदर्शन गर्न सकेनन् ।

व्याक नाईनमा केवल २ अण्डर रहदाँ १६ होलमा पुगेर बोगीको सामना गरे । खेल टुग्याउँदा उनी ६ अण्डर ६५ मा रहँदै दोस्रो स्थानमा चित्त बुझाए ।