आयोजक विजय युथ क्लब गोल्डकपको फाइनलमा

बल नियन्त्रणमा लिने प्रयासमा बागमती(रातो) र आयोजक खेलाडी सेतो जर्सीमा घम्साघम्सी गर्दै ।

हेटौंडा-आयोजक विजय युथ क्लब हेटौंडा गोल्डकप फुटबल प्रतियोगिताको फाइनलमा प्रवेश गरेको छ ।

बुधबार भएको दोस्रो सेमिफाइनलमा बागमती युथ क्बल सर्लाहीको चुनौती ५–१ गोलअन्तरले पन्छाउँदै विजय युथ फाइनल पुगेको हो । फाइनलमा विजय युथले भरतपुरको बीएफसीसँग ग प्रतिस्पर्धा गर्नेछ ।

फाइनल पुग्ने क्रममा विजय युथका तर्फबाट बिमल रानाले ५, र ४३ औं मिनेट, सन्त गुरुङले ३७, हिसब थपलियाले ५८, रुपेश केसीले ८८ औं मिनेटमा गोल गरेका थिए । सर्लाहीका लागि विदेशी खेलाडी फोफनाले ६७ औं मिनेटमा गोल गरे ।

खेलको म्यान अफ दी म्याच विजयी टोलीका लागि दुई गोल गरेका बिमल राना घोषित भए । उनले नगद पाँच हजार रुपियाँ प्राप्त गरे । प्रतियोगिताको फाइनल शुक्रबार हुनेछ । प्रतियोगिता विजेता र उपविजेताले क्रमशः तीन र एक लाख ५० हजार रुपिया“ प्राप्त गर्नेछन् ।