गण्डकी प्रदेश आर्मीसँग पराजित

गण्डकी प्रदेश महिला हक्की टिम ।

पोखरा-तेस्रो सहाना प्रधान स्मृति महिला राष्ट्रिय हक्की प्रतियोगितामा गण्डकी प्रदेश नेपाल आर्मीसँग २-० गोलले पराजित भएको छ । बुधबार कन्चनपुरको महेन्द्रनगरमा आयोजित प्रतियोगिताको उदघाटन खेलमा गण्डकी प्रदेश आर्मीसँग पराजित हुन पुग्यो ।

आर्मीका लागि सनि खड्काले २२ औं मिनेटमा गोल गर्दै अग्रता दिलाएकी थिईन् । त्यस्तै आर्मीको लागि अर्को गोल भने निलिमा पाण्डेले खेलको ५१औं मिनेटमा गोल गर्दै जित सुनिश्चित बनाईन ।

आठौं राष्ट्रिय खेलकुद प्रतियोगितामा आर्मीलाई नै पराजित गर्दै गण्डकी प्रदेशले फाईनलको यात्रा तय गरेको थियो । तर दुई वर्षपछि आर्मीसँगको पहिलो भेटमै गण्डकी प्रदेश पराजित हुन पुग्यो । गण्डकी प्रदेशले अब दोस्रो खेल आगामी ३० गते शुक्रबार प्रदेश नं २ सँग प्रतिस्पर्धा गर्ने छ ।