प्रदेश २ सँग गण्डकी प्रदेश पराजित

प्रदेश नं २ र गण्डकी प्रदेश बीचको खेल्ने तयारीमा ।

पोखरा-गण्डकी प्रदेश तेस्रो सहाना प्रधान स्मृति महिला राष्ट्रिय हक्की प्रतियोगितामा दोस्रो हार व्यहोरेको छ । आज शुक्रबार कन्चनपुरको महेन्द्रनगरमा आयोजित प्रतियोगितामा पहिलो पटक आमने सामने भएको प्रदेश नं २ सँग १–० गोलले पराजित हुन पुग्यो ।

जितले पदकको छुने थियो । तर हारले पदक विहीन हुदै फकिर्नुपर्ने अवस्था छ । मैदान अभाव र प्रशिक्षक विहीनको बाध्यतालाई थाँती राख्दै कन्चनपुर हक्की संघको आयोजनामा महेन्द्रनगर पुगेको गण्डकी प्रदेशले अब तेस्रो खेल सुदुर पश्चिमसँग खेल्ने छ । अन्तिम खेल भने गण्डकीले प्रदेश न. १ सँग खेल्दै टोली फर्किने छ ।

कविता लामाले ४६ औं मिनेटमा हानेको गोल निर्णायक हुदाँ गण्डकी प्रदेश निराश बन्न पुग्यो । अनुभवी खेलाडीविहीन गण्डकीले अधिकांश नयाँ खेलाडीलाई मैदानमा उतारेको थियो ।