सोनी र लक्ष्मण लिगलिग साईकल रेस च्याम्पियन

- खेलाडी न्युज, पोखरा


     खेलाडी न्युज    
     फागुन ७ गते २०७७ मा प्रकाशित


लिगलिग साईकल रेस

पोखरा-लिगलिक कोट आफैंमा ऐतिहासिक थलो हो । ऐतिहासिक थलोलाई पर्यटकीय गन्तव्य बनाउन पहिलो पटक आयोजित साईक्लिङ रेसको उपाधि पुरुष तर्फ शसस्त्र प्रहरी बलका लक्ष्मण मल्लले जितेका छन् । महिला तर्फको उपाधि भने शसस्त्र प्रहरी बलकी सोनी गुरुङले जित्न सफल भईन् ।

लिगलिग भिलेज स्पोर्टसकको आयोजनमा शनिबार आयोजित प्रतिस्पर्धामा नेपाली सेनाका हिमाल टमटा दोस्रो भए । आर्मीकै ओकेशराज बज्रचार्य भने तेस्रो स्थानमा रहे । महिला तर्फ भने लक्ष्मी मगर दोस्रो स्थानमा रहँदा उषा खनाल भने तेस्रो स्थानमा चित्त बुझाईन् ।

लिगलिग साईकल रेसको रुट ।

१३३० मिटरको उचाईमा रहेको लिगलिग कोटबाट तल अ‍ोर्लिएर फेरी लिगलिगकोटमै पुगेर साईक्लिङ रेस पुरा भएको आयोजक लिगलिग भिलेज स्पोर्टसका अध्यक्ष सन्जीव रानाले जानकारी दिए । उनका अनुसार ५४.९ किलोमिटरको दुरी तय गर्नुपर्ने थियो ।

साईकल रेसलाई पालुङटार नगरपालिका र पर्यटन बोर्टको प्रायोजन गरेका थिए । साईकल रेसमा विभिन्न ६ वटा इभेन्टमा प्रतिस्पर्धा गराईको थियो । महिला तथा पुरुष खुला दौडको बिजेताले २५ हजार उपविजेताले २० हजार र तृतियले १५ हजार नगद प्राप्त गरे । ६ इभेन्टकै एउटै रुट र एउटै दूरी रहेको छ । महिला तर्फ १६ र पुरुष तर्फ ६२ जना साईक्लिष्टको सहभागिता रहेको थियो ।