ईन्जिनियर गुरुङलाई गल्फ मन्थ्ली मेडल उपाधि

- खेलाडी न्युज, पोखरा


     खेलाडी न्युज    
     फागुन १५ गते २०७७ मा प्रकाशित


विजेता ई.धर्मराज गुरुङलाई कास्की जिल्ला गल्फ संघका अध्यक्ष मे. लछिमीप्रसाद गुरुङ ट्रफी प्रदान गर्दै ।

पोखरा-पोखरा–१४ छिनेडाडाँस्थित हिमालयन गल्फ कोर्षमा आयोजित फेब्रुअरी मन्थ्ली मेडल गल्फको उपाधि ईन्जिनियर धर्मराज गुरुङले जितेका छन् ।

शनिबार आयोजित प्रतिस्पर्धामा गुरुङले ४३ स्कोर हिर्काए । पार ७० को कोर्षमा ७ अण्डर खेल्दै गुरुङले उपाधि जितेका हुन् । बसन्त गौचनले लेभलपार खेल्दै उपविजेता बने । उनले ३६ स्कोर गरे । १८ होलको एकदिने प्रतिस्पर्धामा भने ग्रस तर्फको विजेता भने लेफ्टिनेन्ट कर्णेल याम राना भए ।

कोर्षमा सर्वाधिक बर्डी हिर्काउने पुरस्कार भने बलराम थापाले पाए । उनले ३ बर्डी हिर्काएका थिए । होलकै नजिक हिर्काएका (क्लोज टु दि )पिन)को पुरस्कार भने लिलाजंग गुरुङ र सबैभन्दा टाढा हिर्काउने पुरस्कार भने याम रानाकै नाममा लेखियो । २५ जना प्रतिस्पर्धी थिए । विजेतालाई कास्की जिल्ला गल्फ संघका अध्यक्ष मेजर लछिमीप्रसाद गुरुङले पुरस्कार प्रदान गरे ।