पुलिसलाई पन्छाउँदै अफ्रिकन रुट्स फाईनलमा

- खेलाडी न्युज, पोखरा


     खेलाडी न्युज    
     चैत्र २६ गते २०७७ मा प्रकाशित


मोउसा म्यान अफ दि म्याच घोषित

पोखरा-एकपछि अर्को गोल्डकपमा आफनो दरिलो उपस्थिति जनाएको अफ्रिकन रुट्स एशोसियसन क्यामरुनले बिहीबार पोखरा रंगशालामा विभागीय टोलीलाई नतमष्तक बनाउँदै उपाधि नजिक पुगेको छ । पोखराको मैदानमा क्लब फुटबलमा गर्विलो शाख बनाएको नेपाल पुलिस क्लब अफ्रिकन टोलीसँग २–० ले पराजित हुदैं १९ औं सस्करणको आहा रारा गोल्डकपबाट बाहिरिन पुग्यो ।

अफ्रिकन टोलीले हेटौडा गोल्डकप, बागमती गोल्डकपसँगै आहा रारा गोल्डकपमा प्रतिस्पर्धामा खरो उत्रिएको छ । हेटौडा गोल्डकपमा नेपाल आर्मीसँग पराजित हुदैं उपाधि विहीन, चौथो बागमती गोल्डकपमा उपविजेता बनेको अफ्रिकन टोली पोखरा फर्किएको हो । शारीरिक रुपमा अग्ला र बलिया अफ्रिकन सामु नेपाली खेलाडी निकै कमजोर देखिए ।

खेलको ३ मिनेटमै पुलिसले गोल खान पुग्यो । पुलिसका गोलकिपर सन्जीत श्रेष्ठले डिबक्सभित्रै डिफेण्डर अजित भण्डारीलाई सट पास दिए । अजित भण्डारीले पनि सटपास खेल्ने क्रममा तेज तामाङलाई बल दिए । तामाङको खुट्टाबाट बल खोस्दै अफ्रिकन रुट्सका मोउसाले बसेकलाई पास उपलब्ध गरे । उनले अजित भण्डारी बार बन्नु अघि नै वान भर्सेस वानको अवस्थामा फष्ट बार च्याप्दै गोल गरेपछि पुलिस निराश हुन पुग्यो । अफिसियल आक्रोषित बन्न पुगे ।

खेलको ६७ औं मिनेटमा अफ्रिकन रुट्सका एन्जिमीको ओभरहेड प्रहार फष्टबार नजिकैबाट बाहिरिएको थियो । फ्रिकिक बललाई नेपाल पुलिसका डिफेण्डरबाट क्लियर हुन नसकेको बललाई उनको प्रहारले सही दिशा भने लिन सकेन् । नेपाल पुलिस क्लबले ८४ औं मिनेटमा डिबक्सभित्र फ्रिकिको अवसर पायो । फ्रिकिकलाई जुमानु राईले सुमन लामाको पावर ग्रास सट बल अफ्रिकन खेलाडीको खुट्टामा छोएर बाहिरन पुग्यो । पुलिसले कर्नरको अवसर पाएपनि सदुपयो गर्नभने सकेन् ।

खेलको अतिरिक्त समयमा अफ्रिकनले पाएको कर्नरलाई सुदुयोग गर्ने क्रममा मोउसाले गोल गर्दै जित सुनिश्चित बनाए । मोउसाले नै कर्नरलाई सट पाए दिए । आर एमबाकोपले मोउसालाई नै व्याक पास दिए । मोउसाले रिमलाई पास दिए । रिमले डिबक्स भित्र उपलब्ध गराएको पासलाई मोउसाले सेकेण्डर बारमा गोल गर्दै जित पक्का बनाउँदै आहा रारा गोल्डकपको उपाधि निकट पुगे । अप्र्रिmकन टोली यो दोस्रो पटक फाईनल प्रवेश गरेको हा । यसभन्दा अघि चौथो रारा गोल्डकपको उपाधि अफ्रिकन युनाईटेडले उचालेको थियो । नेपाल पुलिस क्लबलाई पराजित गर्र्दै अफ्रिकन युनाईटेडले उपाधि उचाल्दाको क्षण फेरी दोहोरिएको छ । पोखराको मैदानमा बिहीबार नेपाल पुलिस क्लब अफ्रिकन रुट्स एशोसिययसन क्यामरुनसँग पराजित हुदाँ चौथो संस्करणको गोल्डकपको झल्को दिएको थियो । मोउसा म्यान अफ दि म्याच घोषित भए । उपाधिको लागि अफ्रिकन रुट्सले शनिबार संकटासँग प्रतिस्पर्धा गर्ने छ ।