जन्मोत्सवमा क्याडी गल्फ प्रतियोगिता

- खेलाडी न्युज, पोखरा


     खेलाडी न्युज    
     वैशाख ५ गते २०७८ मा प्रकाशित


क्याडी गल्फ

पोखरा-बुद्धिमान गुरुङले आफनो जन्मोत्सवको अवसरमा आयोजित क्याडी गल्फ प्रतियोगितामा सिनियर तर्फ अनिल विकले जितेका छन् । १८ जना सहभागि रहेको सिनियर तर्फको प्रतिस्पर्धामा अजय विक दोस्रो र कुमार परियार तेस्रो भएका थिए । सिनियर तर्फको प्रतिस्पर्धा १८ होलमा स्ट्रोक प्लेमा खेलाईएको थियो ।

यसैगरी जुनियर तर्फको प्रतिस्पर्धामा शिव विक प्रथम र आशिष विक दोस्रो भए । जुनियरलाई ९ होलमा प्रतिस्पर्धा गराईएको थियो । गुरुङले वर्षेनी आफनो जन्मोत्सवको अवसरमा क्याडी प्रतियोगिताा आयोजना गर्दै आएका छन् । जुनियर तर्फ १२ जनले सहभागिता जनाएका थिए ।

गुरुङ ६६ वर्षका भए । उनले क्याडीसँगै आफनो जन्मोत्सवमा केक काटेर मनाए भने । क्याडीलाई खाना समेत खुवाएका थिए । गुरुङले आगामी वर्षहरुपमा समेत आफनो जन्मोत्सवको अवसरमा क्याडी प्रतियोगितालाई निरन्तरता दिने प्रतिबद्धता गरेका छन् ।